Os vindeiros días 18, 19 e 20 de xullo de 2008, a Costa da Morte ten unha cita ca mar. A oitava edición da Xira Náutica "Costa da Morte" sairá de Muxía e percorrerá toda a costa ata Muros, completando os percorrido do ano pasado, que saira de Malpica para rematar en Camariñas. O acto de inauguración xuntará a propios e estranos en Muxía, cunha festa popular con queimada incluida, que comezará a partir das 21:00 do mesmo día 18.

Non poderá ser moi longa a noite porque o día seguinte, ás 10:00 as embarcacións emprenderán a viaxe, que nesta primeira xornada, levaraos a Fisterra, cara as 15:00. Petiscos na lonxa e visita ao Castelo de San Carlos e ao Faro, e ás 19:00, Corcubión onde serán recibidos pola impresionante Festa Medieval.

Logo dunha noite longa (coa feira medieval é imposible que sexa curta), ás 10:00 do día 20 sairán cara Lira, cunha interesantísima visita ao proxecto "MardeLira". Logo da comida xa sairán de novo cara o seu destino final, Muros, e rematará así, unha viaxe moi especial para tripulantes e espectadores.

Inscricións

Calquera clase de embarcación que queira participar na xira swó ten que porse en conatcto coa asociación Neria, no número 981 706 028. O prazo de inscrición finaliza o 15 de xullo.

Fonte

• Diario de Bergantiños: VIII Xira Náutica "Costa da Morte" 2008.
• La Voz de Galicia: Os náuticos e Neria preparan a Xira á Costa da Morte.