A Concellería de Servizos Sociais do Concello de Muxía segue co seu interesantísimo curso “Iniciación ó Coidado de Persoas Maiores”, que está unha gran acollida entre a poboación muxiá. Xa levamos dúas semanas de charlas e cursos e os contidos seguen aparecendo. Estes son os contidos, ponentes e datas para esta semana do 23 ó 27 de xuño 08:

• Luns 23: Módulo 18: Enfermidades Reumáticas e fibromialxia (dores crónicas) (2 horas); con Tereixa Castro e Dolores Bermudez (Presidenta Asociación Galega de Fibromialxia AGAFI). Esta será tamén unha charla coloquio, aberta a todo o mundo
• Martes 24: Módulo 19: A persoa maior en estado terminal (2 horas), con Leticia Hermida.
• Mércores 25: Módulo 20: Axitación, alucinacións e ideas delirantes. Deambulación: “as idas e voltas” (2 horas), con Leticia Hermida
• Venres 27: Módulo 22: O coidado do coidador (2 horas); con Soledad Agra.

Estas charlas terán lugar no Edificio de Servizos Múltiples (A Camposa) de 17:00 a 19:00.

Presentación da Escola de Teatro

A escola municipal de teatro de Muxía estreou a pasada fin de semana do 14 e 15 de xuño, a súa obra ¡A herdanza do tío Pedro!, un espectáculo que tivo como escenario o salón de actos do edificio de servizos múltiples.

A afluencia de público así como os seus repetidos aplausos, convertiron as funcións nunha verdadeira "festa do teatro".

Novas relacionadas

• Aprende a coidar dos teus maiores en Muxía.
• O curso "Iniciación ó coidado de persoas maiores" afronta a segunda semana en Muxía.
• A diabete será analizada nas charlas de Muxía.