Un mozo de 18 anos foi detido tras ser acusado de agredir, tras unha discusión de tráfico, a outro home. O suceso ocorría en Ponteceso, e o home que sufríu a agresión perdeu un par de dentes e ten varias contusións.

Nota de prensa da Garda Civil

Detidas dúas persoas por supostos delitos de lesións

Ponteceso/Boiro/ Axentes da Garda Civil detiveron onte a dúas persoas como supostas autoras de senllos delitos de lesións causadas en agresión.

Así, e segundo consta nas dilixencias instruídas polo Instituto Armado, a Garda Civil de Ponteceso detivo a un mozo de 18 anos de idade acusado de agredir, tras unha discusión de tráfico, a outro home. Como consecuencia da agresión, a vítima perdeu dous dentes e sufriu diferentes contusións.

De igual xeito, a Garda Civil de Boiro detivo ao mediodía tamén de onte a un home de 23 anos de idade como suposto autor da agresión rexistrada a madrugada do sábado pasado no interior dun establecemento público boirense e na que o agredido precisou de doce puntos de sutura na cabeza.

Fonte

• Nota de prensa do Gabinete de Comunicación da Garda Civil.