Se o partido da selección foi vista por 3 de cada 4 persoas que vían a televisión, o mesmo domingo se fixeran o share da bisbarra seguro que tamén estoupaba. I é que a ida da Final da Copa da Costa 2008, que se disputaba en Cee, foi retransmitida en directo en todos os formatos.

A primeira retransmisión on-line foi todo un éxito. Os membros da Peña deportivista Os Piratas de Muxía retransmitían en directo mediante a súa páxina web, que é moito máis que un blogue e que merece un recoñecemento enorme, cun bo seguimento. Unhas 400 persoas seguiron o evento por esta vía, e ao longo do día máis de 800 visitaron a páxina. Todo un éxito do que tomamos nota no noso diario e felicitamos grandemente aos coidadores da páxina, que sabemos que dá traballo de... , que rima e todo.

Radios e periódicos

Pero é que só faltaba unha televisión local que disque hai que montar xa. Que La Voz de Galicia, que se o Depor Sport, que se o Diario de Bergantiños... unha chea de periódicos estaban presentes no Novo Raíces de Cee atentos a cada detalle. Pero máis atentos, se cabe, estaban os da radio. Dúas radios cubriron o evento e dúas repetirán o domingo. A radio convencional da Radio Nordés, contou cun Fran Hermida ben arropado por varios colaboradores, e parecía unha retransmisión co mesmo Manolo Lama.

Pero tamén había unha radio local. A Radio Neria acodía da man de Xabi González, con Adrián Leira nos controis dende Corcubión. Carabanda e Nito, o adestrador do Pereiriña, acompañaron a Xabi a pé de campo e comentaron o partido con pelos e sinais. Esta fin de semana repetirán dende Ponteceso, no que xa hai resevada unha mesiña para que a retransmisión sexa completa.

Fonte

• piratasdemuxia.es.