Xa está aquí de novo a festa de San Pedro da Redonda, en Corcubión. Unha festo moi especial para toda a xente da vila, que sobe ao campo de San Pedro a comer en familia nun auténtico día de romería e troula. Pero como non podía ser doutro xeito, tamén hai malos rollos arredor da festa.

Entre as actividades da festa podemos ver que o sábado 28 xa comezasn as historias. De seguro que haberá xente dende ben cediño pola mañá comendo e bebendo pero non será ata a tardiña cando empecen os eventos oficiais. Será cunha Gran Sardiñada no campo de San Pedro, por suposto, a partir das 20:00. O gran día é propio San Pedro, o domingo 29 de xuño. Ás 12:00 haberá unha misa solemne e pasarrúas, para dar paso á sesión vermú, que correrá da man da orquestra Trova. Pola tarde, un grupo de gaitas percorrerá o campo entretendo aos presentes, e xa pola noite disfrutaremos da Gran Verbena con América S.L. e Trova.

O luns tamén hai troula. Ás 12:00 misa e pasarrúas, ao mediodía S.V. con Costamar e pola noite verbena coas orquestras Satélites e Costamar.

SPS?

Contábamos o luns como en Camelle celebraran o sábado 21 o San Xoán, non sendo por gusto senón por necesidade e por gañas de disfrutar da festa. Como nos contaba Silvia Baña, son moitos os camelláns de fin de semana, polo que a festa trasladouse ao sábado, cando os emigrados poden acodir a festa, que para iso están as festas, para acodir e disfrutar.

Nese sentido argállase dende hai 5 ou 6 anos unha festa de fin de semana. O que xa lle chaman pola vila SPS (San Pedro Sábado) dá que falar, para ben e para mal, porque xa sabemos que neste concello de menos de 2.000 habitantes (estes días o que escribe aumentou a listaxe), ou estás dun lado ou estás doutro, e ademais, ambos lados teñen que estar enfrontados. Pois aquí pasa o mesmo, e se hai un grupo que organiza un San Pedro na fin de semana para xuntarse cos seus amigos, o grupo contrario oponse con insultos e candados, mantendo a honorable tradición de facelas cousas ao seu tempo, que por suposto, é máis que lóxico e loable. Pero non pode haber un certo entendemento nunca?

Agardando que non chova, e en sabendo que a todo o mundo lle gustaría poder disfrutar do San Pedro o día propio, aparquemos as diferencias para este ano, que a cousa chega de fin de semana para todos, e fagamos do San Pedro a festa de todos, como o que é.

Fonte

• Redacción.