O alcalde de Vigo, o independiente Ramón Vigo, falaba onte no programa da Radio Nordés, Vivindo a Costa da Morte, que dirixe Susana Albite. Albite preguntáballe pola denuncia do BNG dos problemas dos vertidos directos que hai polas parroquias do concello e pola proposta que realizaba Daniel Oca, voceiro do BNG, de incluir obras de saneamento no Plan de Cooperación de Concello que organiza a Deputación.

Ramón Vigo foi claro. Esto é salientar o obvio, o problema dos vertidos non é nada novo, a abofé que leva razón. Vigo non entende como un problema que leva sendo unha realidade durante anos, agora pasa a ser unha nova de relevancia e que chegue a crear alarma social. Vigo asegurou que vai haber obras de saneamento no PCC pero que será o propio goberno, non a oposición, o que decida as obras prioritarias. Destas obras aínda non se poden adiantar as zonas xa que o grupo municipal está traballando niso.

Vigo dixo que xa están máis ou menos pensadas as obras a realizar co Plan de Cooperación de Concellos, pero que en función das decisións que se tomen no pleno, farase unha proposta. Quixo resaltar o feito de que o problema dos vertidos directos é algo acumulado e que non depende do actual grupo municioal.

Obras actuais

No tocante ás obras do recheo, Vigo avisou que se as obras de canalización do río poden estar rematadas a finais do verán, a continuación procederase coa remodelación do mercado, polo que o recheo seguirá levantado unha morea de tempo.

Tamén falou das obras da "rúa de arriba", que preocupan aos veciños de cara á Xunqueira. Vigo lembrou que se trata de obras de remodelación do casco antigo, pero sinalou que tan só queda por levantar o último tramo. O alcade agarda que en 15-20 días toda a rúa esté hormigonada e transitable, perfectamente habilitada para a Xunqueira.

Novas relacionadas

• O BNG de Cee solicita aproveitar o investimento do Plan de Cooperación de Concellos.

Fonte

• Radio Nordés.