Monitoras de Bretaña, Grecia e Malta reuníronse o pasado sábado en Cabana para a preparación dun intercambio multilateral de mocidade na Casa da Cultura de Cabana de Bergantiños coa monitora do grupo cabanés, Diana Pastoriza Espasandín para ultimar os preparativos, repasar o programa de actividades, organizar as dinámicas de grupo e acordar as normas de convivencia.

Angelina Bergmans, de Bretaña; Eleni Vavouraki, de Grecia; e Carmen Nygaard, de Malta trataron tamén os posibles problemas do intercambio multilateral que se realizará en Cabana nos días 21 a 28 de xullo.

A asociación cultural Pedra da Vella acollerá a tres grupos como parte dun intercambio multilateral (do programa ‘Juventud en Acción 1.1’). O tema do intercambio é ‘Cool Heads for Hot Topics’ (Cabezas frías para temas quentes) e tratará de achegar á mocidade a problemáticas da sociedade do século XXI como son a violencia de xénero, o racismo, a integracións dos maiores e discapacitados na sociedade, a inmigración ou a homosexualidade.

Fonte

• Nova cedida polo semanario O Acontecer.