O Servizo de Hospitalización a Domicilio (HADO) do Hospital Virxe da Xunqueira de Cee segue a traballar arreo mentres que nas altas esferas barállase a posibilidade de aumentar o persoal do mesmo. A filosofía destes Servizos é a de dar asistencia similar á dun paciente ingresado no Hospital pero no seu domicilio. Dende o Comité de Empresa do Hospital Virxe da Xunqueria de Cee queren resaltar a súa labor e de paso, animar ao SERGAS a que aumente o seu persoal que non fará senón mellorar op seu servizo.

Falamos dun sistema de hospitalización moi importante dende varias prespectivas: os hospitais non darían feito, alén de que este sistema élles máis barato; os pacientes fican nos seus entornos, onde se atopan máis cómodos; e as familias non se vén tan desestruturadas tendo que acompañar aos seus queridos horas e horas no hospital.

Aquí na Costa, o área do HADO do Hospital inclúe os Concellos de Finisterre, Corcubión, Cee, Carnota, Muxía, Dumbría, Camariñas, a metade de Zas, 2/3 de Vimianzo e as zonas fronteirizas de Mazaricos co resto da área descrita. O horario é bastante restrinxido dada a falta de persoal, e tan só de 8:00 a 15:00 e de luns a venres está activo, algo que non é moi congruente coa filosofía do servizo.

Así e todo, a necesidade de aumentar o servizo para o benestar da poboación é grande, e máis nunha bisbarra como a nosa, onde op envellecemento da poboación faise cada día máis evidente.

Fonte

• Blog do Comité de Empresa do Hospital Virxe da Xunqueria de Cee.