|
Voltamos con música, e con música de raíces. Malia ser brancos, e galegos, son capaces de tocar un blues coma ninguén. A banda dos Baking Blues (alogo así como Forneando Blues) criouse en Compostela. De alí son Tato (guitarra), David (baixo) e Fran (batería e voz), que acompañan ao profr de filososfíado IES Fernando Blenco de Cee, Javi Turnes (o de Portomouros, Val do Dubra, pona guitarra e a voz principal) nesta andaina polas músicas de sempre. Non son moi habituais, e menos pola Costa da Morte, grupos de músicaque se saian un pouco do pop e o rock, pero podemos sentírmonos afortunados de podelos disfrutar de cando en vez por aquí. Tocan de cando en vez no encantador bar Rodín, e cando hai calquera opción non dubidan en sacar os instrumentos e poñerse a tocar onde sexa. Así surxíu o concerto de San Xoán. Alí estaban, no peirao de Corcubión, no Carrumeiro, 3 dos 4 membros da banda santiaguesa Baking Blues, faltaba Tato que non puido acodir. Para completar a formación e como soen facer nas súas aparicións no bar Rodín de Cee, xuntan a varios amigos da zona. O pasado luns acompañaban o corcubionés Drok ao caixón flamenco, o fenómeno profe de historia Rafa Mississipi á armónica, e Marcos Trillo, que sacou as guitarrras e deulle outro toque especial á xornada. Entre os 6 deron un espectáculo encantador, que podedes valorar neste vídeo de Ophelia:
Agardamos que non marchen de aquí nunca, e que sigan compartindo a súa música pola bisbarra, que poidan acodir ao festival de jazz de Laxe, por exemplo, e que cada mes nos deleiten coa súa actuación en Cee. Un pracer telos por aquí, non cabe dúbida. Novas relacionadas Grupos anteriores Fonte - Redacción.
- Vídeo e fotografía de Rosaura Romo Hernández.
|
Semente RSS