Na mañá de hoxe, luns 30 de xuño de 2008, o mar de Fisterra aparecía salpicado de morte. Un corpo sen vida flotaba en augas fisterráns, preto do faro. Dende a policía local supoñen que se trata dun home de orixe checo, duns 50 anos, que se atopaba de viaxe cunha excursión. Xa denunciaran na noite de onte os organizadores da excursión a falta do rapaz, pero ata esta mañá non se albiscou o corpo.

Foi un home de fala inglesa o que alertou ao servizo 112 de Urxencias, e na recuperación do corpo participaron Salvamento Marítimo, Protección Civil e varios voluntarios. O corfpo foi trasladado ao peirao de Corcubión.

Fonte

• Fotografía de Manuel Sambade, Diario de Bergantiños.
• Radio Galega.