Corcubión vivirá o vindeiro sábado 12 de xullo de 2008, unha xornada moi especial. 8 establecimentos hosteleiros (cabe lembrar que tan só hai 12 bares na vila corcubionesa) xogarán no Pavillón Municipal un campionato de fútbol sala moi peculiar: o Torneo de Copas. Xa apuntan que pouco a pouco a caida dos establecimentos no concello fai dubidar da continuidade do evento os vindeiros anos e xa hai chistes por aí, como nos conta Ángel, organizador do evento e membro do equipo de corcubion.com, que comentan que como sigamos así, o ano que vén xogan o quiosco de Alfredo e o chiringuito dos xeados da Micaela.

O nome, que pón a nota simpática, non evita que o maratón non se tome en serio, e que os piques non sexan de traca, nun concello onde todo, mesmo as festas, son fonte de desputas. O ano pasado foi o restaurante San Martín o campión e este ano parte como favorito.

Son varias as reglas do maratón: só pode haber un xogador extracomunitario (é dicir, de fóra do concello), e alo menos teñen que haber 2 de máis de 35 anos no campo. O premio é unha das principais singularidades do torneo. O equipo gañador revertirá o premio (a suma dos 35 euros de cota de inscrición dos 8 equipos), nunha cea entre os xogadores no propio establecimento gañador. Un bonito xeito de pasalo ben e de revertir no propio negocio, de xeito que cada quen correrá polo que lle toca. Haberá ademais trofeo ao mellor xogador aportado pola imprenta Costa da Morte, ao igual que un trofeo do Concello.

Cadro do torneo

• 10:00: A - O Pazo - Tío Moncho;
• 11:00: B - Suiza - Sirena;
• 12:00: C - San Martín - A Gavilla;
• 13:00: D - Apartahotel - Marichu;
• 17:00: Gañador A - Gañador B;
• 18:00: Gañador C - Gañador D;
• 21:00: Gran Final.

Fonte

• Redacción.