O equipo da Costa da Morte de fútbol sala feminino, o Fisober, ao tempo que participa en torneos internacionais durante estas semanas, está a organizar o I Torneo de Fútbol Sala Feminino Festas do Mar de Muxía. Será a primeira vez que a Costa da Morte acolla un evento destas características, e o Polideportivo Municipal de Muxía será unha festa total os vindeiros 12 e 13 de xullo.

A Comisión de Festas do Mar de Muxía ten organizada unha zona de acamppada no campo de fútbol, a 1 km do polideportivo e a cota de inscrición é de 75 euros por equipo. Os premios non están nada mal e o 1º clasificado levará nada menos que 700€ máis un trofeo. O 2º clasificado ser´apremiado con 300€ e un Trofeo, e os semifinalistas contarán co reintegro, 75€, alén doutro trofeiño. Para insrcibirse poden contactar neste correo Este enderezo de correo-e está protexido contra spam bots, necesitas ter o Javascript activado para podelo ver , no concello de Muxía, ou nos números 635 436 173 e 657 490 025.

O Fisober en Tineo

As rapazas desprazábanse esta fin de semana a Tineo, Asturias, para desputar o IV Torneo Nacional concello de Tineo. Perdían no primeiro encontro contra o Región de Murcia por 4-0. No segundo, o Oviedo non era rival e as da Costa gañaban por 8-4 (4 goles Barca, 1 de Alba, 1 de Myrella, 1 de Olalla e 1 de Patri), co que a clasificación para cuartos estaba no aire. Finalmente o equipo quedou fóra dos cuartos de final por un gol. O equipo quedou 10º logo de perder no último encontro contra o Gijón por 6-1 (gol de Noelia).

V Torneo Internacional Concello de Poio

O FISOBER CONCELLO DE VIMIANZO desplazase este sábado 5 de xullo a Poio (Pontevedra) a xogar o V TORNEO INTERNACIONAL DE F.S. FEMENINO CONCELLO DE POIO. O adestrador Fran Toba contará para esta cita cas xogadoras: Paula Lema, Ana Mouzo, Barca Toba, Patri Romaní, Sonia Rama, Elsa Souto, Alba Cambeiro, Mirella Ventura, Ylenia Rodríguez, Lara Gómez e Noelia García. O Fisober competirá neste torneo contra equipos como o Florencia de Italia, San Mamede de Oporto.

Fonte

• Nota de prensa do Fisober, da man de Fran Toba.