A asociación de redeiras O Fieital, radicada en Malpica, convoca un curso para traballadoras deste gremio dentro do programa ‘Arlinga’, auspiciado pola Vicepresidencia da Igualdade e do Benestar da Xunta.

As datas marcadas para o seu inicio e conclusión son o 14 de xullo e o 8 de agosto, respectivamente. As clases serán, con case toda probabilidade, no Centro Cívico de Malpica. Está aberta a inscrición para integrantes do colectivo O Fieital e tamén para colaboradoras.

Este curso, totalmente gratuíto, conta con módulos de igualdade, habilidades sociais, cooperativas e xestión empresarial. Cada clase durará tres horas.

Fonte

• Nova cedida polo semanario O Acontecer.