O curso de agricultura ecolóxica que organiza a CAE Raíña Lupa de Quilmas segue traballando. Xa van un par de clases teóricas que imparte Lucía Ferreiro Fernández, e este pasado martes comezaron os traballos de campo. Os tractores prepararan as terras, todas incluidas dentro da zona onde se pretende construir a ampliación da piscifactoría e que xa están centralizadas na comunidade de bens creada entre todos os veciños.

A agricultrura ecolóxica segue presentándose como unha alternativa de futuro e progreso sustentable, que pretende seguir concienciando ás xentes da importancia de producir un produto que respete o noso patrimonio natural, a mais cando o uso de fertilizantes está demasiado integrado no pequeno agricultor. Ademais esta é unha alternativa viable económicamente ao proxecto da piscifactoría.

Nas imaxes vemos as primeiras probas de plantación de horta con leitugas, tomates, repolos, fabas...

Novas relacionadas

• Raíña Lupa de Quilmas comeza o curso de agricultura ecolóxica.
• Quilmas apura a Comunidade de Bens para a cooperativa de produción de agricultura ecolóxica.

Fonte

• Redacción.