Aí continúa a Radio Neria dando que falar. Non para de crecer e de dar un servizo cada vez máis traballado, que tampouco imos dicir profesional. Porque profesional na radio só está Juanma Buiturón, que co seu tremendo traballo está a a revivir a radio municipal de Corcubión dende hai menos dun ano.

Juanma coida do blog, e xa está creda unha comunidade na que participa xente dunha morea de puntos da península. O blog tamén conta cun chat bastante utilizado polos amigos da radio, que ademais serve para ir irformando dos cambios e novidades na rede.

A radio conta ademais coa posibilidade de escoitala por internet. A infraestrutura non dá para o directo pero pódense escoitar os programas en diferido sen problema, un servizo sinxelo que xa lle gustaría a outras radios convencionais da zona.

Cabe sinalar que no crecimento da radio e do blog, ademais do impresiionante traballo de Juanma e dos colaboradores que seguen ás duras e ás máis duras na radio, interviu un home do norte, un home con experiencia radiofónica nunha irmá da Radio Neria. Óscar Rey Calo, natural de Corme e casado en Fisterra, leva unha chea de anos traballando na Radio Roncudo, e está a colaborar no progreso da emisora irmá. Moitas gracias Óscar e moitas Juanma polo voso traballo.

• radioneria.blogspot.com.

Bitácoras anteriores

• A bitácora da semana (XIV): Asalto Vimianzo.
• A bitácora da semana (XIII): A mi segunda juventud.
• A bitácora da semana (XII): O Galinheiro de Galinus.
• A bitácora da semana (XI): Merexo non se vende.
• A bitácora da semana (X): O blog dos Veteranos de Cabana.
• A bitácora da semana (IX): A bitácora da Plataforma pola Defensa do Patrimonio Cultural de Quilmas.
• A bitácora da semana (VIII): A bitácora do Comité de Empresa do Hospital Virxe da Xunqueira de Cee.
• A bitácora da semana (VII): O Blog da Asociación "Universidade Popular escola de Verao de Corcubión".
• A bitácora da semana (VI): Blog do Gabinete de Normalización Lingüística de Vimianzo.
• A bitácora da semana (V): Seiruga Limpa.
• A bitácora da semana (IV): Surf na Costa da Morte.
• A bitácora da semana (III): Ouesaro, paranoias dun día normal.
• A bitácora da semana (II): O espacio emocional e literario de Suso Lista, o percebeiro do Roncudo.
• A bitácora da semana: Amis95.

Fonte

• Redacción.