|
Esta semana o concello de Corcubión chegaba a un acordo coa xuntanza da semana pasada entre os membros da corporación municipal e os colaboradores da radio. De aí, e da boa relación que ten Óscar M. Rey Calo, un dos responsables da radio cormelá, con varios colaboradores da Neria, surxíu a idea. Logo da aprobación do alcalde corcubionés, Francisco Lema, Chisco, Óscar realizará os traballos técnicos para que a Radio Neria volva ser un falar. A Radio Roncudo aparece neste complicado momento para a radio municipal corcubionesa, trala marcha do único profesional da emisora por falta de presuposto. A unión de ambas radios chega coa finalidade de que non esmorezan estas preciosas iniciativas radiofónicas de interese na nosa terra. Ao tempo isto servirá para unir máis o norte e o sur da Costa da Morte, que precisa dun desenvolvemento real da comunicación interna. Ambas emisoras, continuarán mantendo a súa imaxe e independencia de actuación. Así, a partir deste sábado, Radio Roncudo nas Terras de Fisterra, pero tamén Radio Neria na Comarca de Bergantiños. En resumo Radio Roncudo-Radio Neria, escoitarase en Bergantiños no 106.1FM e nas Terras de Fisterra no 107.8 FM. Dende este diario vencellado á Radio Neria, queremos agradecer a labor de Adrián Leira e de Óscar M. Rey Calo por tirar para adiante de esta iniciativa, e quere felicitar a todos os colaboradores de ambas emisoras por manter vivas estas iniciativas que non fan senon facer que a nosa bisbarra fique cada día máis unida. Fonte Fonte - Redacción.
- Nota de prensa da Radio Roncudo, da man de Óscar M. Rey Calo.
|
Semente RSS