|
Cada día a historia da Escolas de Fútbol Base Prodemar sorprende máis a propios e extraños xa que a trama seguida polos seus protagonistas non sería capaz de ser concebida polo guionista máis inxenioso de Miami Vice. A medida que avanza a película, saen a luz cousas máis turbias e enrevesadas. O último capítulo desta peculiar novela, co que parecía que se pechaba a polémica, era aquel que do que se fixo eco este diario, e que pouco ou nada aparece no resto de medios, polo cal o Concello se faría cargo dunhas escolas de fútbol municipais que contarían co financiamento económico de Prodemar. As escolas estarían completamente desvinculadas das anteriores e serían dirixidas, como dixerons os responsables municipais, "lonxe das mentes iluminadas que levaban a EFB Prodemar, cos pés na terra e con obxectivos realistas". Sorprendente inscrición Mais ninguén contaba coa sorpresa que se lles aveciñaba, pois a directiva da agonizante escola decidiu unilateralmente inscribir para a vindeira campaña os equipos de Cadetes e Infantís sen contar con eles e sen intención aparente de presentalos a competición, imposibilitando a entrada da corporación municipal debido a vixencia das fichas dos antigos xogadores e á expiración do prazo de inscripción. Esta manobra sacouna da manga a EFB coa intención de que o Concello se faga cargo da débeda de 18.000€ contraída con Arecris pola adquisición do material. Esta opción foi descartada de plano polo alcalde que aparte de considerala inadmisible advirte que o ente municipal podería incorrer nun delito de prevaricación. Reunión Ante este difícil panorama o día 1 de agosto o concello convocou unha reunión para explicarlle aos pais a situación, nela cabe destacar a presencia do Alcalde, José Oreiro, a Primeira Tenente de Alcalde, Marisol Piñeiro, o presumible coordinador da escola Alfredo Cambeiro, os adestradores do equipo de benxamíns da EFB, Fernando e Marco. Tamén parecía que pasaba por alí un dos membros da antiga direciva, pero só de forma testimonial pois non dixo palabra en toda a reunión e en canto as cousas se puxeron un pouco feas puxo pes en polvorosa sen sequera despedirse dos alí presentes. Chegou, tarde, pero chegou, o presidente Argimiro Castiñeira para situarse no centro do corro que formaban os presente cal gladiador romano para expoñer o seu punto de vista sobre o conflicto que se vive. Amosouse consternado e por momentos parecía que se viña abaixo. Recoñeceu os erros e a xerencia neglixente da escola mais o seu dedo acusador foi implacable. Sacudiuse toda culpa dicindo que a súa vontade era a de deixar o clube a principios de temporada pero que lle ofreceron quedar de xeito testimonial e sen responsabilidade ningunha sinalando a unha figura, a do Coordinador Quique Pampín como responsable de todo o manexo da escola así como das contas da mesma. O presidente quixo lembrar que durante os ultimos meses el mesmo tivo que pagar árbitros e desplazamentos do seu bolsillo. Tamén comentou numerosas cifras, nomes propios, patrocinadores que non cumpliron, etc. Os alí asistentes eloxiaron o seu xesto de ser o único que dou a cara dende o momento en que se lles dou porta a todos os xogadores. Solucións Finalmente, o que parece que vai ocorrer é que Prodemar se vai retirar da competición e as escolas municipais intentarán ocupar a plaza vacante. Para que isto ocorra, deberase agardar o visto bo da Federación. Esperemos que este sexa o último capítulo dun culebrón que xa semella durar demasiado. Novas relacionadas Fonte
|
Semente RSS