As radios non paran. Se ben é certo que varios dos colaboradores da Radio Neria están de vacacións, iso non quere dicir que a radio está morta. Coas ondas unidas coa irmá Radio Roncudo, os contidos que xa aportan a radio libre complétanse agora co noticieiro que cada día nos prepara Ivan Pereira Rodríguez, un dos máis activos a día de hoxe na emisora corcubionesa, e que coa axuda das novas deste diario presenta tódolos días a actualidade da bisbarra. As noticias resumidas en 10 minutos saen ás 9.00, 10.00, 11:00 e ás 19:00.

Por Corme non paran de traballar. Aí está por exemplo Óscar Rey Calo, un dos responsables da Roncudo e un dos maiores culpables desta feliz unión entre emisoras, un que se achega continuamente pola emisora corcubionesa para arreglar algún aparato ou para dar ideas.

Xa o saben, na 106.1 da FM no norte da bisbarra, e na 107.8 no sur, Radio Neria-Radio Roncudo.

Novas relacionadas

• Radios Unidas.

Fonte

• Redacción.