As primeiras reaccións perante a aprobación do Plan Acuícola xa están na rúa. Se amosamos a quente reflexión dos veciños de Merexo, polo medio do país tamén están comezando a falar. De feito, estaba convocada para onte unha protesta en San Caetano, xa divisando o que podería ocorrer na mañá de onte.

Quilmas, Camelle, Arou, Merexo e Seiruga estaban presentes coma sempre. Vieiros estivo por alí e ten un vídeo demostrativo bastante interesante dos feitos.

Os principais grupos defensores da natureza xa están a opinar. Tanto Adega, como o colectivo Galiza non se vende xa enviaron o seu pensamento no que se laian de que a Xunta non escoite o sentir das asociacións veciñais e dos grupos ecoloxistas. Para eles, este é o plan do cemento e o plástico.

As axudas directas da Xunta ás empresas extranxeiras que explotan os rodaballos dopados; a expropiación-regalo da Xunta ás mesmas; a falta de sensibilidade e de consideración co parecer dos veciños, que en moitos casos xa teñen alternativas económicas máis que válidas para as aldeas, e se non que llo digan á cooperativas de agricultura ecolóxica de Quilmas e ás cebolas ecolóxicas de Merexo.

E todo por 2000 postos de traballo.

Novas relacionadas

• Merexo colle a vía xudicial.
• A Xunta aproba o Plan Acuícola.
• A Cooperativa de Agricultura Ecolóxica Raíña Lupa de Quilmas xa traballa na horta.

Fonte

• Adega: Touriño impón un Plano Acuícola que convertirá a costa nun polígono industrial de cemento e plástico.
• Galizanonsevende: O goberno galego aproba o Plan de Acuicultura en contra do sentir das asociación veciñais e colectivos ecoloxistas.
• Vieiros.com: Tambores contra o plano acuícola.