Onte, xoves 28 de agosto de 2008, Alfonso Vidal, da Plataforma Seiruga Limpa, falaba na Radio Neria-Radio Roncudo. O programa O Ronsel, levado como cada xoves ás 22:00 por Óscar Rey Calo, e que onte tiña a Iván Pereira tras dos mandos, chamaba a Alfonso para debatir sobre a aprobación do devandito Plan Acuícola por parte da Xunta de Galicia.

Para a plataforma a a aprobación é o mellor que podía pasar, porque antes era todo unha imaxinación e agora pode ir todo polo legal. Nós imos detrás de Merexo, que son os que máis avanzados van no asunto xudicial.

Aseguran que todo cansa e que logo daquel par de meses preelectorais de mitin para arriba, mitin para abaixo, a xente quedou cansa de tanto traxín. Así e todo, a vila non vai quedar mirando como poñen o cemento nas fértiles e traballadas a día de hoxe, terras de Barizo.

Alfonso prantexábase o hipotético caso de que nos baixaran o prezo do rodaballo, ao igual que tería que pasar cos parques eólicos que temos que soportar na bisbarra. Así non ocorre nunca e aocarón do viravento é onde máis marcha a luz.

Tamén miran con lupa a reacción do alcade de Malpica, José Ramón Varela, do PSOE, que anunciara que se poría do lado dos veciños.

Para Alfonso, o plan e a instalación destas plantas nos lugares elixidos é unha aberración. Todo o mundo que vñen por aquí di que é imposible.

Novas relacionadas

• Merexo colle a vía xudicial.
• A Xunta aproba o Plan Acuícola.

Fonte

• Radio Neria-Radio Roncudo, 107.8 e 106.1 da FM.