O edificio que o Grupo Lábaro quere construir en Cee vai cara adiante. Pouco a pouco vanse dando pasos para reanudar a obra, contando coa axuda das adminstracións,e salvando os problemas económicos da construtora. Desta volta é a Dirección Xeral de Desenvolvemento Sostible da Consellería de Medio Ambiente a que decidía non someter o procedemento de avaliación ambiental estratéxica ás reformas puntuais das normas subsidiarias de planeamento municipal, do concello de Cee no tocante ao edificio da construtora, segundo se publicaba no DOG do martes 2 de setembro de 2008.

O problema coa aliñación do edificio, que provocara a paralización da obra, poderá ser corrixido logo de pasar este último trámite. A aliñación afecta á rúa que une a Fernando Blanco con Lino Rodríguez Madero. 

Novas relacionadas

• O Grupo Lábaro pincha.

Fonte

• La Voz de Galicia: O cambio urbanístico que permite construír en Cee un edificio de Lábaro pasa o seu último trámite.
• DOG do martes 2 de setembro de 2008.