OT en Ponteceso O día D (ou T) xa chegou. Os triunfitos xa case andan rondando pola zona, xa que mañá é a gran noite. Ata o día de onte xa ían 2.000 entradas vendidas pero ao longo destes dous últimos días prevese un boom. Xa saben, o sábado será o centro do país. Festival Rock in Baio O rock invadirá Baio na noite de hoxe, venres 5 de setembro de 2008. A praza das festas encherase de míticos i é que as bandas iinvitadas realizarán unha morea de versións de grupos de toda a vida. Así, a partir das 23:00 comezarán a tocar Lady Evil, con versións dos Scorpions, Iron Maiden, Van Halen... Máis tarde teremos MU-2, que como ben indica o nome versionará aos U2. De Sabina Homenaje pouco hai que dicir. Para rematar teremos a Snatch, que conta con temas propios e tamén versións. A festa serve de preludio ás festas da semana que vén que se celebrarán entre o luns e o mércores. Semana Cultural de Muxía Como avance das Festas da Barca, o concello de Muxía organiza a Semana Cultural. Xa van 3 días de semana cultural na que houbo concertos, cine na rúa e contacontos. Estes días hai pasarrúas, teatro (con Talía Teatro) e concerto o luns, pero a función do domingo suspendeuse. Para ver o programa pinchade aquí. Fisterra lembra a Batalla Naval do 1805 Este sábado 6 de setembro, Fisterra recibe a Asociación Gran Armada (A Armada Invencible) que xunto co concello homenaxeará aos caídos na Batalla Naval de Finisterre en 1805. As actividades terán lugar a aprtir das 12:30 da mañá. Para ver o programa picha aquí. A Batalla servirá como preludio para as Festas patronais do Carme que se desenvolverán de luns a mércores da semana entrante.
Ciclo de Cine de Corme A Asociación de Veciños Eduardo Pondal de Corme este mes homeaxea ao mítico cine cormelán Cine Olga. Este venres 5 de setembro, ás 22:00 no taller da asociación poderemos ver Falso culpable, un filme que Alfred Hitchcook dirixíu no 1957.
Teatro en Corme A Fundación Torre Pujales remata, o sábado 6 de setembro, o seu programa cultural de verán cunha demostración teatral no salón de actos da Confraría de Pescadores de Corme. Conferencia teórico-práctica "Los discípulos del silencio", unha historia do teatro xestual con demostración de estilos e xéneros. Impartida por Alfonso Rivera. Será ás 20.00h. Xuntanza dos maiores de Cee A XIII Xuntanza de Confraternidade dos Maiores de Cee terá lugar o domingo no monte San Pedro Mártir. Coa axudas dos buses que pon o concello a partir das 11:00, os veciños poderán achegarse á misa, ao almorzo, contacontos, xogos populares e ao baile. Roteiro por Salto O vindeiro domingo, ás 10.30, celebrarase a primeira ruta de sendeirismo Un paseo por Salto. Exposición en Muxía As ilustración de Xosé Tomás estarán expostas na Casa Obradoiro de Muxía entre o 5 e o 19 de setembro. Día da bici de Muxía O domingo 7 de setembro o concello organiza a II Edición do Día da Bicicleta Concello de Muxía. A saída está preparada para ás 10:00 da mañá ao carón da lonxa, e serán 13 osquilómetros a percorrer. Ao remate haberá camisetas e pinchos para os participantes. Noite de cine en Vimianzo O domingo 7 de setembro, "Eragon" en Vimianzo. Campionato de Petanca en Vimianzo A A.X. Cherinkas organiza para o sábado día 6 de setembro do 2008 o cuarto campionato de Petanca. O lugar escollido para esta práctica volve ser o Campo municipal de Vimianzo, e o comezo da actividade prevese para as 16:00h. Fonte
|
Semente RSS