A Vicealcaldesa de Cee, sinalou que a Dirección Xeral de Transporte fixo chegar unha boa nova para os veciños de Ameixenda. Hai un par de semanas os veciños de Ameixenda uniranse para protestar polo incumprimento das normas do servizo de autobuses que xa non pasaba pola aldea ceense.

Logo dun pouco de ruido nos medios e 400 firmas presentadas por varias asociacións, a resposta xa está aquí. Segundo conta a a vicealcaldesa a CPTOPT está elaborando un expediente que garanta o cumprimento da normativa, para obrigar a que os autobuses de Monbús pasen e paren pola aldea e non deixen á xente nas paradas da estrada principal.

Illamento de varias vilas

A CIG denuncia que a partir do mes que vén as liñas da Costa da Morte viranse reducidas, polo que se xa estamos acostumándonos ao trasbordo, a partir de agora vai ser peor.

Segundo informa a CIG, o recorte de liñas dende o pasado 2007 coa segregación de Arriva é do 50%, e mentres as empresas excúsanse en asuntos económicos, o servizo público de trasnporte está desguarnecido.

As unións coas cidades da zona é un problema e xa hai mesmo capitais de concello que non teñen conexión directa coa Coruña ou Santiago, como pode ser Dumbría. Pero o problema máis grande é a conexión interna dentro da bisbarra. Que unha persoa teña que ir en taxi ao hospital de Cee dende Muxía (25 km) por falta de servizo é un delito.

Novas relacionadas

• Ameixenda únese contra Monús.

Fonte

• La Voz de Galicia: Política Territorial instará á empresa concesionaria a cumprir os itinerarios e paradas en Ameixenda-Cee.
• La Voz de Galicia: Crece o malestar entre os veciños polas deficiencias no transporte.