|
A segregación de Arriva, a empresa que anteriormente daba o servizo de transporte en autobús para toda a Costa da Morte, está a supoñer un problema grave para case todos os usuarios habituais deste servizo. En Que Pasa na Costa ante a preocupación da bisbarra por esta segregación propuxémonos facer unha análise de como queda o servizo en cada un das vilas da Costa. Hoxe imos comenzar analizando dúas das liñas máis perxudicadas, os enlaces entre Muxía e Camariñas con Cee. Recordemos que en Cee se atopa o hospital de referencia para a Costa da Morte, o Virxe da Xunqueira, polo que a conexión con esa vila é basica para todos os cidadáns da Costa. Dende o 23 de Xullo o servizo está a ser prestado pola empresa Monbus que é a encargada tamén das liñas Santiago - Muros - Cee - Fisterra e de outros traxectos dentro da Costa da Morte. Comparativa co anterior servizo de Autobuses Cee - Camariñas Con Arriva
- 4 buses de Luns a Venres
- 1 bus os Sábados
- 1 bus os Domingos
| Cee - Camariñas Con Monbus
- 2 buses de Luns a Venres
- Ningún bus os Sábados
- Ningún bus os Domingos
| Cee - Muxía Con Arriva
- 4 buses de Luns a Venres
- 1 bus os Sábados
- 2 buses os Domingos
| Cee - Muxía Con Monbus
- 2 buses de Luns a Venres
- Ningún bus os Sábados
- 2 buses os Domingos
| Polo tanto, os días de diario perdeuse o 50% do servizo e os sábados desaparece o único servizo que había nestas liñas. Con estos datos que vos estamos a dar parécenos moi díficil que se estea a cumprir o que din desde a administración, que coa segregación non se perderon servizos na bisbarra. Desprazarse un domingo Se queremos ir un domingo a Camariñas dende Cee non podemos ir de forma directa, así que buscamos a alternativa que parece máis lóxica vendo os horarios da empresa Monbus na estación de Cee, coller un bus ata Muxía e de alí un ata Camariñas. Saída de Cee destino Muxía os domingos Saida de Muxía destino Camariñas os domingos O que nos queda polo tanto é coller o bus das 16:00 horas a Muxía onde chegaremos sobre as 17:00 horas. Temos que esperar ata as 18:00 a que saia o autobús de Muxía cara Camariñas a onde chegamos finalmente sobre as 18:15. Duración total da viaxe: 2 horas 15 Minutos, sen comentarios. Teríamos máis alternatias de chegar a Camariñas dende Cee o Domingo, pero para iso teríamos que saber os buses das outras rutas que van a Camariñas e fan paradas en Baio ou Vimianzo para así poder coller un bus dende Cee e enlazar con eles para chegar finalmente a Camariñas. Dende Que Pasa na Costa estamos tentando recoller esta información, pero nos faltan os horarios prometidos pola empresa Monbus. Tentaremos obter todos estos horarios e poñelos a disopsición de todos vos.
|
Semente RSS