Xa hai cartos para levar a cabo o Plan Xeral de Ordenación Municipal (PXOM) de Cee. Será no 2012 cando sexa rematado tras a aprobación definitiva por parte da Consellería de Política Territorial dunha axuda de 108.303 euros, a invertir en 5 anos.

Entrementres, o concello está vivindo a transformación máis grande case que da súa historia (se ben a construción do Recheo pasará aos anais). Aí podemos ver xa as obras da VAC levando materialmente medio monte por diante (con pozos e puntos de augas incluidos como vemos á dereita no lugar de Guimareu) as obras do novo parque empresarial, as do centro comercial do Vilar ou as obras de canalización que se están a levar a cabo no recheo, alén dos edificios en construción.

Ramón Vigo, alcalde de Cee asegura que a planificación dos núcleos rurais xa está definida e que a corporación está estudiando dous proxectos que xa saíron á luz hai uns meses: a ubicación do porto deportivo e a construción do campo de golf na zona da Armada.

Fonte

• La Opinión da Coruña: Cee recibe ayuda de la Xunta para hacer el PGOM en 5 años.
• El Correo Gallego: La aprobación del Plan Xeral de Cee se demorará hasta el 2012.