Tanto na xornada matinal como no fin de festa nocturno co mago Xacobe, a organización de esta II Festa gastronómica do Porco Celta tivo que traballar moito para atender a toda a xente que se achegou ata Corcubión para coñecer os productos da raza do Porco Celta.

Onte tivemos a posibilidade de ver como son estes porcos dos que nos falan os nosos avos e que tiñan que telos case catro anos na casa antes de poder matalos para o seu consumo. Unha fermosa femia e a súa numerosa descendencia de 11 ranchos estiveron todo o día expostos para ledicia dos máis pequenos.