Este pasado domingo 16 de novembro de 2008, Buxantes e Cerqueda unían os seus sentidos. O grupo de teatro da Asociación Cultural Raigañas da vila malpicá actuaba na parroquia dumbriesa para representar dúas obras de teatro enmarcada no proxecto chamado Homes e dentro do programa do Novembro de Teatro dumbriés.

As dúas obras son comedias que mostran as diferencias entre os ambos sexos, tratando con humor e cun guiño cara a violencia de xénero.

Unha das obras narra a vida de 5 mulleres que comentan as súas vivencias co xénero contrario, poñendo en ridículo todas as manías do macho galego.

A segunda conta con 4 mulleres coma protagonistas, ademais dun home, no que se parodia a típica estampa matrimonial, onde a muller se queixa do abandono sexual que sofre por parte do home.

Estrea

Resulta que a actuación foi moi especial para as de cerqueda, xa que se trataba da estrea da obra. O público dumbriés respondeu como poido, habería como unhas 50 persoas no teleclube e, a pesar dos nervios das artistas, todo o mundo quedou encantado coas obras.

Raigañas e na casa

Cerqueda vivirá o vindeiro día 27 de decembro unha xornada moi especial. Ambas obras serán presentadas na casa. Todo un envento para a parroqui malpicá.

Máis teatro en Dumbría

O Novembro de Teatro continuará en Olveira e Berdeogas os días 23 e 30, con Talía Teatro e o xa mítico ''E ti quen vés sendo?''; e o seu ''Menos Lobos'', respectivamente.

Novas relacionadas

• Recuperando a tradición coa Asociación Raigañas.
• Programa do XV Ciclo de teatro de Ponteceso.
• Laxe organiza a Primeira Mostra de Teatro Afeccionado.
• Programa do Outono Cultural.

Fonte

• Información ofrecida por Mar Suárez, da Asociación Cultural Raigañas de Cerqueda.