Buño recibirá en breve un par de fornos gracias ao convenio coa Deputación da Coruña. Así o asinaban onte o presidente da Deputación, Fernández Moreda e o alcalde de Malpica, José Ramón Varela Rei.

A deputación adquire e cede dúas parcelas da zona con sendos fornos, o "forno da loita" e mais o "da Costa", alén dos galpóns e alpendres pertinentes. Máis posibilidades por seguir mantendo a tradición e xerando máis traballo na zona arredor da olería.

Na imaxe vemos un dos fornos do Ecomuseo.

Nota de prensa da Deputación da Coruña

Fernández Moreda asinou esta mañá o convenio de colaboración co alcalde de Malpica, José Ramón Varela Rei

• A Deputación financia con 86.000 euros a compra de dous fornos tradicionais en Buño

A Deputación da Coruña achega 86.000 euros para a adquisición de dous fornos tradicionais en Buño, segundo consta no convenio de colaboración subscrito esta mañá, na sede desta institución, polo presidente provincial, Salvador Fernández Moreda, e o alcalde de Malpica, José Ramón Varela Rei.

O importe da adquisición ascende a 115.200 euros, polo que coa achega da Deputación da Coruña cóbrese o 74,65 por cento do custo total, mentres que o resto será financiado polo concello de Malpica.

Adquisición das leiras "Forno da loita" e "Forno da Costa", que constan de:

Forno da Loita: casa de 117,10 m2

• parcela de 940 m2
• forno de 128,35 m2
• galpón de 32,36 m2
• alpendre de 89,95 m2

Forno da Costa: - parcela de 543 m2

• forno de 67,27 m2
• 2 alpendres de 133 m2 e 63 m2
• galpón 10,50 m2.

O Orzamento é de 115.200 euros e a cchega provincial de 86.000 euros.

O seu alcalde, José Ramón Varela Rei valorou moi positivamente esta nova achega da Deputación da Coruña para preservar o patrimonio oleiro do concello de Malpica.

Pola súa banda, Salvador Fernández Moreda expresou a súa satisfacción por este novo acordo de colaboración, e destacou o compromiso da Deputación con Buño, tendo en conta que esta institución, ademais de adquirir e rehabilitar o enclave etnográfico do Forno Novo de Buño, contribúe tamén a financiar as actividades que ao longo do ano de desenvolven nel para pór o valor a actividade oleira.

Novas relacionadas

• A unión fai a forza.
• Os Oleiros de Buño gañan a Medalla de Ouro.
• Unha semana enteira de barro en Buño.
• Os oleiros de Buño xúntanse para aproveitar mellor o espazo do Centro Comarcal.

Máis información

• Páxina da Olería de Buño.

Fonte

• Nota de prensa da Deputación da Coruña.
• A fotografía do forno foi extraída de Panoramio da man de Doval.