Os portos deportivos de Corcubión e Fisterra dan un paso adiante. Portos de Galicia inicia a tramitación ambiental, paso imprescindible para determinar o alcance dos proxectos. Son dous proxectos que veñen avalados pola súa ubicación, amparados pola peninsula de Fisterra que abriga a zona. Serán 400 prazas de amarre en Corcubión e dunhas 300 en Fisterra. E en Sardiñeiro? "en Sardiñeiro "nunca houbo porto", que dixo Jacinto Parga..

En Corcubión hai 5 posibles emprazamentos, pero o máis probable é que termirne no vello peirao de Quenxe, onde os mariñeios da zona aínda conservas tradicións milernarias, como vemos abaixo.

Pola súa parte en Fisterra, é necesaria a execución dun contradique que mellore as condicións de abrigo.

Nota de prensa da CPTOPT

PORTOS DE GALICIA INICIA A TRAMITACIÓN AMBIENTAL DAS INSTALACIÓNS NÁUTICO DEPORTIVAS NAS RADAS DE CORCUBIÓN E FISTERRA

• Este requisito é o paso imprescindible para determinar o alcance dos proxectos

Santiago, 22 de decembro de 2008.- O ente público Portos de Galicia iniciou a tramitación ambiental das instalacións náutico deportivas nos portos de Corcubión e Fisterra. Este requisito é imprescindible para proceder á cualificación ambiental dos proxectos e determinar o seu alcance, que en calquera caso se estima nuns máximos dunhas 400 prazas de amarre en Corcubión e dunhas 300 en Fisterra.

Tanto a enseada de Fisterra como a de Corcubión atópanse protexidas polo Cabo Fisterra. Esta configuración abrigada, unida á escaseza de instalacións náutico deportivas no entorno litoral da Costa da Morte que sirvan como punto intermedio entre as Rías Baixas e o golfo Ártabro, fixeron que se incluísen estes emprazamentos dentro das actuacións previstas no Plan Director de Portos Deportivos aprobado polo ente público para unha planificación estratéxica axeitada do sector.

O obxectivo do proxecto no porto de Corcubión consiste na creación dunhas instalacións para o atraque de embarcacións deportivas, presentando cinco alternativas con diferentes ubicacións, configuracións e parámetros de ocupación en mar e terra (número de atraques, superficies de ocupación, lonxitude de contradique, etc.)

No caso de Fisterra, o obxectivo do proxecto é a execución dun contradique que mellore as condicións de abrigo, seguridade e operatividade do porto ademais da creación dun atraque para embarcacións deportivas, neste caso presentando tres alternativas sempre ao abeiro do dique xa existente no porto, o que minimiza a afección ambiental e o custo da obra. Ao igual que no caso anterior, estudaranse diferentes configuracións en planta e distintos parámetros de ocupación en mar e terra.

A Ley 1/2008, de ámbito estatal, establece no seu Anexo I a necesidade de acometer, como é o caso, un Procedemento de Avaliación de Impacto Ambiental para a construción de novos portos (comerciais, pesqueiros ou deportivos), de espigóns e pantaláns para carga-descarga de barcos por riba das 1.350 toneladas de arqueo ou para executar outro tipo de obras costeiras.

Novas relacionadas

• Touriño chega pola VAC.
• Portos responde que en Sardiñeiro "nunca houbo porto".
• Triplicado o orzamento para o porto deportivo de Muxía.
• 80 novos amarres para o porto deportivo de Fisterra.
• As confrarías mostran as primeiras dúbidas sobre o Plan Director de Portos Deportivos.
• Touriño asegura que obras do Porto de Brens comezan en poucos días.
• A VAC como a panacea da bisbarra?.
• A Xunta presentará en novembro o anteproxecto do Parador.
• Carmen Borbujo critica o electoralismo de Touriño e os retrasos da VAC.
• Ernesto López: "Se non hai buses é por culpa de Caride e Touriño".
• O PSdeG comarcal sinala que Touriño está coa Costa.

Fonte

• Nota de prensa da CPTOPT.