A Radio Neira e Radio Roncudo segue medrando neste comezo de 2009 procurando traer de novo aquelas vellas glorias que puxeron á emisora municipal de Corcubión nas radios de boa parte da comarca.

Como exemplo temos a volta de José Luis Louzán, profesional radiofónico que continuara a súa carreira, logo de pasar moitos anos na época dourada da Radio Neria, na Radio Nordés. Culminaba a súa experiencia con varias emisións en directo dende a Zona 0 do Prestige, dende Muxía, dende onde alén de informtivos, chegou a participar no programa da tarde La Ventana, con Ienma Nierga e Boris Izaguirre.

A día de hoxe, ben é sabido que o seu amor polo periodismo e polo medio, que polo de agora calma cun par de minutos nos xoves do Vivindo a Costa da Morte da Radio Nordés. Non lle chega, Louzán quere máis, i é que ademais de verdades como puños tamén sabe de bandas sonoras unha barbaridade.

Así cada luns, ás 23:00 da noite, despois do programa de Suso Lista, aparece Louzán co seu BSO.

• Cantos anos fai que non fas un programa de radio?

Deixei a radio como profesional no ano 2004, ainda que o pasado 2007 volvin a ocuparme dos Deportes na Cadena SER, en Radio Nordés durante un mes. Dende entón ata o de agora só a miña columna en Vivindo a Costa da Morte e nada máis.

• Por que deixaras o periodismo?

Houbo moitas razóns e sería longo de explicar. Entendín que era o momento de cambiar, nada máis.

• Que te leva a voltar á radio?

A radio é un vicio, un vicio dos malos. Ter a capacidade e a posibilidade de comunicar os demais algo que che guste, ou que che preocupe resulta maravilloso. Hai xente que simplemente non é capaz ou que non probou a facelo, pero pode resultar adictivo.

• De onde vén ese amor polas BSO?

Non o sei, simplemente me gustan. Na adolescencia, cando un escoitaba o mesmo que os demais, entendín que a musica en xeral me aburría demasiado cedo, toda salvo as composicións que me acompañaban no cine noutra das miñas paixóns, as películas. Sempre me gustou a música clásica e a ópera e, ó mellor, iso ten moito que ver.

• Top 5 de Louzán de BSO? e o das películas? Soen coincidir?

Normalmente coinciden, alo menos nas dúas primeiras Cinema Paradiso e Memorias de Africa, que son as miñas peliculas preferidas e tamén conteñen as miñas bandas sonoras preferidas. Outro caso é, por exemplo, Master and Comander, que utilizando pezas clásicas compón unha banda que acompaña fantasticamente unha clásica historia de corsarios e piratas. Neste caso a música e fantástica pero a película non entraría nese Top de cinco. As tres que faltarían sería demasiado difíciles de elixir. Por música incluiria a moitas; El Bueno, el feo y el malo, Blade Runer, Carros de Fuego, A guerra das Galaxias, Superman, ET.... moitisimas.

• Como ves o estado da radio municipal de Corcubión en comparación con como estaba cando formabas no equipo?

Mal, pero como sempre chea de xente ilusionada. O que sucedeu cando nós, os que entón nos dedicabamos a ela de seguido, a deixamos para comezar unha carreira profesional foi, basicamente, que outro grupo de persoas que se crian capacitadas se fixeron cargo de algo que, a vista dos feitos, lles quedaba demasiado grande. Dame certa pena por un lado ver como quedou todo pero entendo que mentres se siga adiante como agora, con gañas e ilusión, a radio municipal ten futuro seguro.

• Louzán é unha persoa que ten moito que dicir. Para cando un programa cun sentido crítico no político e no social?

(Risas) Ben, por agora "non toca" coma diría o President Pujol... O feito da existencia de Verdades como Puños ou a Sinatura na Cadena SER son puramente "terapia" persoal, e pataletas de cidadán con vergoña allea, pero penso que de momento será suficiente con iso.

• Cales os maiores males da Costa da Morte?

O maior mal da Costa da Morte son os seus habitantes. De entre eles, de entre os seus habitantes, xurden os seus politicos e representantes e as malas ideas, e a ausencia de escrupulos, e de forza e de paixon para defender a esta terra. As persoas sempre son o fin de todolos bens e todolos male, e aqui tamen. Persoas con agallas terían feito deste territorio privilexiado moito mais do que é, na vez de depredalo como o fixeron.

Máis información

• Grella de Radio neria e Radio e Roncudo.
• Blog da Radio Neria.
• Páxina da Radio Roncudo.

Novas relacionadas

• As Noites Piratas da Radio Neria traen aos Baking blues en directo.
• Volve a vella garda á Radio Neria.
• As verdades como puños de José Luis Louzán: Dúbidas Razoables.

Fonte

• Redacción de QPC ( Este enderezo de correo-e está protexido contra spam bots, necesitas ter o Javascript activado para podelo ver ).