|
Un novo entroido programado na Costa. Desta volta tócalle ao concello de Dumbría artellar o seu programa, que se desenvolverá integramente o domingo 22 de febreiro, xa que o martes 24 de seguro que están por Fisterra como fixeran o ano pasado os Mexicanos da imaxe. Unha concentración de tódolos disfrazados/as abrirá a festa, a partir das 17:00h. na praza do Concello. De aí, pasarrúas ata a praza da Igrexa, con entrega de lambonadas a tódolos nenos/as disfrazados. É o Concurso de Disfraces e de Comparsas son as estrellas do programa, e contarán con 1.500 euros en premios. O 1º premio para a Comparsa gañadora será de 800 euros, por 400 da 2ª e 200 da 3ª. No tocante aos disfraces, o premio ao mellor disfraz individual será de 120 euros. Como remate da festa, baile coa orquestra VERSALLES. Inscrición As comparsas deberán inscribirse nas oficinas do Concello ou ben chamando ó 981 74 40 01 en horario de 8 a 15 h. antes do 19 de febreiro. As bases da convocatoria poderán consultarse nas oficinas municipais. As comparsas pertencentes ó concello de Dumbría poderán obter unha axuda económica. Para optar a esta, deberán cumprir os requisitos establecidos nas bases e formalizar a inscrición nas oficinas do Concello no prazo sinalado. Novas relacionadas Outros programas de Entroido Fonte
|
Semente RSS