Portos de Galicia adxudicou por un importe de 190.000 euros as obras de dragaxe e limpeza dos fondos no porto de Laxe. As instalacións portuarias de Laxe caracterízanse por ter adosado ao contradique unha praia en continuo basculamento cara o porto que, por efecto das ondas e das correntes de auga, propicia a acumulación de sedimento no espigón de peche do porto. A maiores, tras anos de uso, a dársena foi acumulando no seu fondo lixo de diversas orixes, que cómpre retirar para evitar que reduza puntualmente o seu calado.

Co fin de corrixir esta situación, Portos de Galicia levará a cabo a limpeza na parte interior da dársena, duns 28.600 metros cadrados. Para as labores utilizaranse grúas, dragas de succión e buzos. O material extraído será sometido a un proceso de cribado co fin de separar os obxectos atopados da area e permitir o proceso de reciclaxe axeitado en cada caso. Os residuos levaranse a un vertedoiro autorizado para o seu correcto tratamento mentres que o material areoso limpo será devolto á praia sempre que así o autorice a Dirección General de Costas.

Novas relacionadas

• Portos estudia as ondas de Laxe para protexer o porto dos temporais.
• Caride inaugura as obras de condicionamento da estrada en Laxe-Ponte do Porto .
• Espazo singular protexido .
• A Rede Galiza non se vende segue dando guerra .

Fonte

• Nota de prensa da CPTOPT.