Un concello pequeno pero rabudo, onde a política lévase máis dentro que o fútbol, ten que dar un bo entroido. Este ano xa hai varias comparsas que están preparando a historia. Segredo de sumario, ata os últimos días ninguén saberá que van facer os capos da vila. O que seguro que farán é dar caña a verdes, roxos e amarelos.

Bases

O Concello de Corcubión fai públicas as bases que rexerán o concurso de disfraces e comparsas que terá lugar o día 21 de febreiro á partir das 16:00 h, durante a celebración tradicional do Entroido.

Haberá diversos premios para os primeiros, segundos e terceiros clasificados nas distintas categorías.As bases do "Concurso de disfraces e comparsas 2009" serán as seguintes:

• O concurso constará de tres modalidades: comparsa, grupo e individual
• A inscrición realizarase na Casa do Concello de Corcubión ou por teléfono no nº 981 745400. A data límite de inscrición é o 18 de febreiro ás 15:00 h.
• Só se poderá presentar a unha das distintas modalidades do concurso co mesmo disfrace.
• Ademais da categoría "individual", de un único integrante, os "grupos" estarán formados por un mínimo de 2 e un máximo de 9. As "comparsas" estarán formadas por un mínimo de 10 integrantes.
• Todos os participantes no concurso deberán formar parte do desfile de Entroido polas rúas da vila, que partirá ás 16:00 h desde a Praza de Castelao o día 21/02/09.
• As comparsas deberán acompañar a súa actuación cunhas coplas das que deberán entregar copia ao xurado antes da actuación.
• A orde de actuación en cada modalidade designarase mediante sorteo efectuado polo xurado. Por categorías actuará en primeiro lugar a individual, logo os grupos e finalmente as comparsas.
• O xurado estará integrado por membros de distintas asociacións do Concello de Corcubión.
• O xurado valorará de 1 a 10 puntos os seguintes aspectos de cada individuo, grupo ou comparsa participante: disfrace, orixinalidade, coreografía e coplas.

Novas relacionadas

• Visita institucional posposta en Corcubión .
• "Bienve" fica na frutería .
• A Rede Galiza non se vende segue dando guerra .

Outros programas de Entroido

• Programa do Entroido de Fisterra 2009 .
• Programa do Entroido no Concello de Carnota .
• Programa do Entroido da Asociación Pedramar do Pindo.
• Programa do Entroido de Zas .
• Programa do Entroido de Muxía.
• Programa do Entroido da Raigañas de Cerqueda.
• Programa do Entroido de Corcubión.
• Programa do Entroido de Dumbría .
• Programa do Antroido de Cee.
• Programa do Entroido de Ponteceso.
• Programa do Entroido de Vimianzo.
• Baíñas come orella polo Entroido .
• Antroido regueifeiro en Cabana .
• Bases do concurso de Comparsas do Entroido de Fisterra.

Fonte

• Nota de prensa de Juan Carlos Cánovas, Concelleiro de Cultura do Concello de Corcubión.