|
Traía o pleno ordinario de Malpica de onte, xoves 12 de febreiro de 2009, un tema candente. Moita espetación creouse no concello e foron moitos os veciños da Seiruga que se plantaron no pleno, e non sairon defraudados.  O BNG presentou dúas mocións. A primeira, apoiado por Luis Ceán (concelleiro non adscrito) e pola Plataforma Seirguga Limpa, era unha moción en contra da extracción de area da praia de Seiruga para rexeneración da praia de Canido. Finalmente o pleno acordou aprobar a moción cso votos a favor de Luis Ceán, os do PP, os do BNG e o grupo AVE. Cañizo abstívose e o PSdG votou en contra, polo que foron 7 votos positivos por 5 negativos e 1 abstención. A segunda é a que sae na imaxe da dereita, pola que se aprobou que o concello, que xa acordara nun pleno unha posición contraria á construción dunha piscifactoría, pero que nada movíu ata o de agora, debe tomar nota do traballo doutras vilas afectadas polo Plan Acuícola na Costa da Morte, e comece a traballar nunha alegación, Vía Xudicial, contra a construción da mesma. O poder do pobo É impresionante o poder que temos e que non sabemos usar. A base de cordura e de sacrifico e de estar en riba dos nosos representantes políticos, o pobo manda. Personalizado na figura de Alfonso Vidal, o pobo da Seiruga foi quen evitar esta perigosa extracción e leva esforzándose por evitar o cemento da piscifactoría máis dun ano. Agardemos que tanto ímpetu non sexa en ban e a Xunta se decate de hai zonas onde verdadeiramente non se pode construir, e unha picifactoría tampouco, por moito plan estratéxico que exista. Novas relacionadas Fonte
|
Semente RSS