Outro dos entroidos máis singulares e que máis adeptos vai gañando ano tras ano é o Entroido de Cee. O pasado martes 24 de febreiro de 2009 celebouse o Concurso de Disfraces do Entroido, organizado pola Concellería de Educación, Cultura e Xuventude do Concello de Cee.

Dacordo coas bases, e contando como secretario, con voz pero sen voto, Mª Junquera Cambeiro Tarrela, concelleira de Educación, Cultura e Xuventude do Concello de Cee, o xurado quedaba constituido polas seguintes personas:

• D. Fernando Fraga Traba, director da Escola Municipal de Música de Cee.
• D. José Manuel Ramos Lavandeira, redactor de El Correo Gallego na súa delegación da Costa da Morte.
• D. José Ramón Rey Senra, encargado da Biblioteca Pública Municipal D. Francisco Mayán.

Finalmente e logo dunha festiva xornada con milleiros de persoas arredor das vilas ceenses, o xurado emitíu o seguinte fallo:

Categoría de Comparsas

• 1º premio (900 €): INDEPENDIENTES X BRENS (arriba).
  
• 2º premio (750 €): OS BALLENEROS DE GURES (a primeira da dereita).
  
• 3º premio (600 €): A TRIBU DE ALASKA DE AMEIXENDA (arriba).
• Accesit (275 €): OS MIQUICUMPLES DE CEE (á dereita)
  
• Accesit (275 €): AS BRINCADEIRAS DE MUROS.
• Accesit (275 €): BUXANTES CALIDADE (abaixo).

Categoría de Grupos

• 1º premio (270 €): OS PARRANDEIROS (DETRÁS DOS COLEIROS) DE VIMIANZO

Categoría por parellas

• 1º premio (90€): PARELLA “OS BEBÉS”.

Categoría de Coplas

• 1º premio (150 €): BUXANTES CALIDADE.
• 2º premio (100 €): OS BALLENEROS DE GURES.
• 3º premio (60 €): A TRIBU DE ALASKA.

Continúa a programación cultural en Cee

Pero non para a cultura no concello ceense. Este sábado 28 de febreiro será o Mago Román García o que continúe co programa Sábados en Familia, a partir das 19:00 no Salón de Actos do Concello.

ROMÁN GARCÍA: “LABIRINTO DE ILUSIÓNS”

Neste labirinto, os efecto máxicos están acompañados de historias surrealistas e cómicas nas que participa permanentemente o público.

Así, poderemos ver por primeira vez a Rufo, un mapache amaestrado capaz de lanzar lume pola boca e localizar a carta dun espectador. Celebraremos un xuízo popular para descubrir ó asasino de Lord Byron, mostraremos a precisión dun detector de mentiras de última xeneración e viaxaremos no tempo.

Tamén estará presente a fascinante maxia de preto, que o público poderá seguir a través dunha proxección en directo. O noso protagonista estará acompañado pola música e por dez axudantes, os seus dez dedos, que son como dez duendes máxicos que nos contarán historias imposibles de aparicións, transformacións e levitacións... Cando todo remate ninguén quererá saír deste labirinto de ilusións creado polo televisivo Román García

Novas relacionadas

• Fisterra decide os Oscars da Costa da Morte.
• O entroido que vai e vén .
• A Coral Xan Mella come filloas a ritmo de tango .
• A bitácora da semana (XLIV): As bitácoras de Xoán S. Pazos .
• O Albergue de Fisterra recolle alimentos para a Caravana pola Paz .
• Novo vídeo electoral da serie de Omar Rabuñal, Suso Lista e Manolo de Laxe: Pinto e Coviñas piden o voto para o PPM.
• Sesións filosóficas na Costa da Morte .

Fonte

• Nota de prensa do Concello de Cee, da man de Víctor Castiñeira.