O pasado mércores era inaugurada unha nova exposición en Dumbría. Na inaguración estivo presente a Deputada Provincial Caridad González Cerviño e o polo alcalde de Dumbría, José Manuel Pequeño Castro (vemos a ambos á dereita). A deputada xa apuntara en Corcubión que quere traer unha ópera á Costa.

Trátase da exposición "A indumentaria tradicional galega. O traxe de Muros", da Deputación da Coruña e que xa pasou polo Concello de Carnota, que poderá visitarse no Centro Social e Cultural de Berdeogas ata o 15 de marzo, no seguinte horario: os luns e martes de 16 a 20 h., e os mércores e xoves de 16 a 19 h.

Os traxes tradicionais alí expostos son da Agrupación Folclórica Ximiela de Muros, que levan a cabo un labor constante pola conservación e difusión do traxe tradicional. Esta agrupación conta con vestiario de seu moi variado, con traxes de gala, de cotío, época, etc., sendo os seus compoñentes os que se encargan de confeccionalo.

Novas relacionadas

• Carnota acolle unha exposición sobre a indumentaria tradicional galega .
• A Deputación trae exposicións e quere traer unha ópera á Costa .
• O Ano do Liño .
• Abre o bar Praia do Ézaro, un novo local de concertos .

Fonte

• Nota de prensa do Concello de Dumbría, da man de Ana Casais.