Novo pleno en Dumbría, e cada vez, máis rápido. 3 minutos bastan para decidir a orde do día, rogos e preguntas no incluídas. O pleno tivo lugar o pasado venres 6 de marzo, cando, segundo denuncia o voceiro do PP, Ramiro Iglesias, o alcalde José Manuel Pequeño non o deixou expoñer as súas cuestión cando era hora dos rogos e preguntas.

Ramiro explicáballe a Susana Alvite na Radio Nordés, que quería realizar varias preguntas sobre a rede de sumidoiros nas parroquias, algo olvidado dende sempre no concello, e polas relación entre o alcalde e varias empresas da zona. Ramiro non puido realizar as súas preguntas xa o alcalde pechou a sesión "deixandome coa palabra na boca", en palabras de Ramiro. "Eu me pregunto: a que vamos aos plenos?", reflexiona Ramiro.

Empresas ilegais

Para Ramiro, a empresa na que traballa o fillo do alcalde, Icegas Pereira, e outras empresas que se levan a meirande parte das obras públicas do concello, Andújar e Lires, non contan con permiso, teñen naves ilegais polas que ademais non pagan imposto algún.

O estado de dereito resolverá

Ramiro Iglesias leva moito tempo denunciando a falta de democracia do concello dumbriés, ao que considera un dos máis caciquís do país. Neste senso, Ramiro chega a comparar o concello con Coslada e, afirma ter a información necesaria para demostralo.

O voceiro do PP afirma que "non será o PP o que faga pagar ao alcalde, senón que será o mesmo "estado de dereito" o que pase factura á política de Pequeño". Isto o apunta porque pensa que teñen que acabar os tempos en que "os veciños estean oprimidos", asegurando que cando vai de paseo polo concello "para falar o alcalde hai que mirar para os lados e asegurarse que non hai ninguén".

Novas relacionadas

• Loita nos medios arredor da actualidade política dumbriesa .
• Ramiro Igrexas culpa da derriba da nave de Fariña á política urbanística do Concello de Dumbría .
• O voceiro do PP leva a actitude "dictatorial" de Pequeño ao Valedor do Pobo .
• Dumbría ponse o traxe de muiñeira .

Fonte

• Radio Nordés.