Mazaricos era invadido por unhas pequenas croquetas. Os Bolos do Pote tomaban o Campo da Feira da Picota o pasado domingo 8 de marzo, noutra das nosas festas gastronómicas e tradicionais.

Máis de 2.000 racións de bolos foron consumidas polos centos de persoas que se achegaron á festa. Ademais da degustación, as xentes puideron ver en directo as demostracións das cociñeiras de establecimentos coma O Verxel, Bar Daniel, Efe-Eme e Casa Jurjo, que participaron na organización da festa, na que tirou do carro o propio concello de Mazaricos, e as asociacións Monte Picoto e Amas de Casa de Mazaricos.

O bolo do pote 

O menú contaba, alén dos bolos, con caldo, touciños, chourizos orellas e cacholas. Os bolos son unha especie de croquetas enormes feitas con fariñas de trigo e centeo, que se cocen en auga do caldo, logo de ser preparadas nestes enormes baúis de madeira.

A festa contou ademais co Grupo de Gaitas "O Verán", que amenizou a xornada de xantar.

Novas relacionadas

• Carnés celebrou a Fagía a base de callos .
• O turismo micolóxico da Costa no IV Encontro de Turimos Rural vasco .
• Suárez Canal apoia ás cooperativas do Centro de Recría Ganxabar de Mazaricos .

Fonte

• Concello de Mazarciso.