Non bromeaba o alcalde de Cee, Ramón Vigo, cando anunciaba o seu interese por montar un complexo hostaleiro en Caneliñas. A zona, que aínda ten os restos dunha antiga baleeira, leva varios anos pendente da especulación urbanística e semella que o cambio de goberno acelerou o proceso de aprobación deste novo proxecto urbanístico no noso litoral.

Malia que o BNG e Medio Ambiente queiran recuperar a zona para o uso público, semella que o proxecto vai para adiante, senón non se explica o extenso estudio que realizou a empresa Dársena Desarrollos Urbanísticos e Nuclear Research & consultancy Group e que facía público onte El Correo Gallego.

Para a creación do que denominan un "espazo lúdico-cultural, deportivo 2 turístico-hoteleiro de calidade", precisarían o convenio urbanístico ademais da aprobación do PXOM.

Ademais, o proxecto inclúe a rexeneración da praia, unha escola de vela, un hotel de 4 estrellas e un apartahotel, todo isto, respetando, na medida do posible, os criterios de sostenibilidade ambiental.

Datos

• Orzamento: 26 millóns de euros.
• Postos de traballo: 40 (entre 350 e 400 durante o proceso de construción (2 anos)).
• Dimensións:
  - 5.000 metros cadrados construidos;
  - superficie total do proxecto: 97.219 metros cadrados totais (o solo urbanizable só chega a 68.928 metros).
• Edificios:
  - Hotel de Talasoterapia;
  - Apartahotel con Bungalows.
  - Escola de vela;
  - Edificiós a rehabilitar;
  - Porto deportivo.

Novas relacionadas

• 04-12-08: O BNG quere Caneliñas virxe .
• 13-11-08: Ramón Vigo tamén quere un balneario en Caneliñas .
• 30-01-08: Medio Ambiente quere recuperar Caneliñas para o uso público (un pouco de historia).
• 04-01-08: O recuncho da Costa (XII): A antiga baleeira de Caneliñas .
• Un grupo de empresarios artellan un balneario como alternativa á piscifactoría de Seiruga .
• PX envía un informe en contra dos proxectos de rexeneración de praias .

Fonte

• El Correo Gallego: Proyectan un complejo hostelero singular para la zona de Caneliñas .