|
Onte, xoves 12 de marzo de 2009, había tamén pleno no Concello de Malpica. Pouca espectación, comparado co último pleno no que o propio pobo conseguía aprobar a anulación do proxecto da rexeneración da praia de Malpica con areas da zona da Seiruga. O pleno tiña como punto forte da orde do día a aprobación de orzamentos do 2009, que foron aprobados co aopoio do concelleiro non adscrito, Luis Ceán. Iso si, o concelleiro esixíu a condición de pedir varios proxectos á Xunta, entre os que se atopan a pavimentación e apertura de varias pistas nas parroquias. O goberno local non permitíu a entrada de cámaras, indicando que "hai que pedilo por escrito", e as protestas chegaron cos rogos e preguntas. O proxecto de rexeneración está preto
Foi o concelleiro José Manuel Vila, voceiro do AVE, quen preguntou se xa se enviaran as actas dos últimos acordos plenarios, para dar conta ante as administracións superiores do alí acordado. O propio Vila deixou claro que aínda non se enviara ningún documento oficial que cerciorara estes acordos. Ante esta situación o pobo de Barizo anda preocupado. As obras de extracción de areas da zona de Seiruga para a rexeneración da praia do Canido, está aprobada por Costas para este 1 de abril, polo que se o concello non achega a anulación por acordo do pleno, en 15 días chegarán as grúas á zona. O propio alcalde, José Ramón Varela Rey (que vemos na imaxe o día do tráxico suceso da desaparición dun operario no porto malpicán), e mais o secretario, afirman que a carga de traballo impedíu levar a cabo a tramitación das actas, pero o farán en canto poidan. Aprobación do "spa" Por outra banda, o concello xa sacou a contratación das obras para a construción da piscina municipal climatizada e spa, cos Fondos de IEstatais de Investimento Locai (FEIL). Serán uns 1.138.389 euros e o proxecto contará con dúas piscinas (unha para adultos e outra para nenos), o spa, un ximnasio. De aquí a 10 días as empresas poden presentar os seus proxectos. Novas relacionadas Fonte
|
Semente RSS