Voltamos á vila do Cristo para falar con outro membro da rede submariña da Costa da Morte. Dende de Fisterra, pasando por Santiago, Iván Fraga repasa os recunchos máis singulares de todo o país, pasando do Castelo de Vimianzo ao do Pambre, da Ribeira Sacra a Combarro, do entroido de Fisterra ao maís profundo da provincia de Ourense.

Todo isto a través da súa bitácora A Fraga dos Mouros. Aí é onde Iván Fraga trata de recuperar e amosar a beleza das paraxes do noso país continundo no fomento do amor ao noso patrimonio natural e histórico.

Completamos así, e queda aberta a veda, a nosa inmersión na rede fisterrán. Lembramos deste xeito a entrevista que realizamos (ambas integramente pola rede) a Xoán S. Pazos, que coida doutros dous blogs. Ambos estudian na capital galega, na Universidade da Santiago de Compostela, e como bos costeiros, cada fin de semana que poden, voltan ata a fin do mundo.

• Que ofrece A Fraga dos Mouros?

A Fraga dos Mouros é unha viaxe contínua polo camiño galego, onde cada semana facemos parada en distintos recunchos que conforman esta nósa terra, íso sí, sempre acompañados dos versos dos bardos galegos.

• Como e por que abriches este espazo?

O obxectivo era compaxinar as miñas tres paixóns: a literatura, a fotografía e as viaxes pola terra. Lembro unha cita de Mario Benedetti que decía que a poesía e a fotografía podían complementarse e ata influírse recíprocamente, e penso que este proxecto leva ese rumbo. Decidín abrir este espazo coma unha homenaxe á terra e xentes do País Galego en conxunto, cunha entrada semanal e sempre ambientada cunha selección de música tradicional.

• Cales son os teus recunchos favoritos da Costa da Morte? e do país?

Coma Fisterrán penso que o Cabo Fisterra, o Roncudo e o Vilán ben poden portar o nome de Costa da Morte, e no país quédome con Ortegal e calquera aldea do Caurel ou Ancares.

• Cabo da Nave, Mar do Rostro, praia de Talón, Conxunto de San Guillerme , praia de Arnela, A Mexadoira... unha morea de recunchos preciosos no concello de Fisterra. A esto hai que sumarlle o Camiño de Santiago. É isto compatible co urbanismo salvaxe que afecta ao concello?

Fisterra ten un camiño ancestral que morre no cabo e cara o cal viaxan milleiros de persoas dende suficientes séculos atrás, sexa por casualidade, fe ou como destino turístico alternativo ao mediterráneo. O urbanismo pode afectar, e afecta, a certa parte do turismo da nosa vila, que o considera esaxerado e desproporcionado, pero semella que beneficia a un turísmo máis selectivo e de “un mes ao ano”. Recomendo un fermoso documental, A Casa de Lola de Andrés, de Olaia Sendón, e no cal se retracta todo o asunto do urbanismo en Fisterra.

• Cres que o alcalde ten razón cando di que "Fisterra está demasiado protexida e son os cidadáns os que están desprotexidos"?

Penso que tanto Fisterra coma os fisterráns deben estar o máis protexidos posíbles, e ese debe ser o primeiro obxectivo e compromiso de todo alcalde.

• Esta Fisterra preparada para o Xacobeo 2010? Que che parece que a estrada ao faro aínda non teña zona para peóns?

Creo que é grave que un lugar coma o cabo, que recibe milleiros de persoas de tóda-las partes do mundo, careza dunha simple aceira ou carril para bicicletas a través do cal chegar ao mesmo, pero grave é tamén, o estado do Paseo Marítimo, a incesante perda da bandeira azul, o máis que criticado Cemiterio de Portela, por non falar da escasa limpeza das praias e a inutilidade dos parques.

Penso que deberiamos coidar un pouco máis o nóso patrimonio natural, máis que nada, polos que han de vir atrás; ao fin e ao cabo, somos nós os que estamos aquí de paso.

• Que fai á Costa da Morte especial. Cal cres que é a súa particularidade xeográfica?

O milagre e segredo da Costa da Morte son o vento e o mar. Baixo o meu punto de vista, unha vila que non conte coa presenza destes dous axentes naturais non se debería entender coma Costa da Morte.

• Cres que debemos lanzarnos ao turismo como motor económico central da bisbarra?

Coido que non se está levando ben o timón. Si se plantexara un turismo respetable coa natureza e nunha líña comprometida coa cultura e historia da nósa vila, se cadra colleitaríamos un turísmo limpo e máis agradecido. A pesca non se está sabendo explotar como debería e a solución semella centrarse nas piscifactorías. Penso que o turísmo pode ser pan para hoxe e fame para mañán mentres non se prepare con mellor gusto.

• Que che pareceu o Entroido deste ano con respecto ao de ano pasados?

Tivo moi pouca participación local, dúas comparsas, e coido que se botan de menos a outras míticas como a do Rombos, Casino ou Anchoa. Só tiven a oportunidade de ver as dúas primeiras, e gustáronme os da Galería.

Novas relacionadas

• A bitácora da semana (XLVII): A Fraga dos Mouros .
• A bitácora da semana (XLIV): As bitácoras de Xoán S. Pazos .
• Entrevista con Xoán S. Pazos: "Protesto é pola pasividade cidadá ante temas que afectan ó noso quefacer cotián" .
• O Albergue de Fisterra recolle alimentos para a Caravana pola Paz .
• Fisterra decide os Oscars da Costa da Morte .

Recunchos de Fisterra

• Cabo da Nave.
• Mar do Rostro.
• praia de Talón.
• Conxunto de San Guillerme .
• praia de Arnela.
• A Mexadoira.

Fonte

• Redacción de QPC ( Este enderezo de correo-e está protexido contra spam bots, necesitas ter o Javascript activado para podelo ver ).