Foi o xa mítico contacontos Anxo Moure o que pasou polas escolas de Cabana para traer o seu espectáculo para nenos, sen dúbida, do mellor que hai en todo o país.

Anxo Moure vístese coa pel da Carballo con botas para ensinar aos máis pequenos o respecto pola natureza. O Carballo con botas é un dos Contos solidarios que realizan dende a ONG "Bicis pola Paz" e a Asociación Papaventos. É Anxo Moure quen imparte estes talleres, incluidos dentro do programa NATURALmente Cabana, e sempre consegue establecer unha comunicación moi directa cos nenos.

Curso de Cestería de Reciclaxe

Fermosa iniciativa a que está a desenvolver o Concello de Cabana. O curso de Cestería de reciclaxe está a ser un éxito por cada colexio polo que pasa e os cativos involúcranse no recicle. Habíamos tomar nota os adultos...

Esta semana comezaron os obradoiros de cestería de reciclaxe impartidos pola mestra artesá Lola Torrón. Vemos por exemplo os talleres realizados no C.R.A. Os Remuiños, nos que ata arriba de papeis quedaron os pequechos.

Un fenomenal xeito de educar na reciclaxe dende a base.

Máis información

• Contos solidarios.
• Anxo Moure, por La Voz de Galicia.

Novas relacionadas

• Nova edición do Programa Naturalmente Cabana con Tren Turísitico, DVD e cestería.
• Cabana de Bergantiños organiza novas actividades.
• A ciclobiblioteca engaiolou aos cativos de Ponteceso.
• Os escolares de Ponteceso plantan especies autóctonas na Semana Forestal Ambiental.
• Ponteceso aprende a conducir eficientemente.

Fonte

• Concello de Cabana: Cestería de reciclaxe.
• Concello de Cabana: TALLER DE MEDIO AMBIENTE NAS ESCOLAS DO CONCELLO..