O BNG de Carnota vén de publicar no seu blog un repaso ás actuacións do goberno minicipal do PP nestes tempos de crise. Para o BNG "o goberno de Carnota responde á crise dilapidando personal e recursos". O BNG califica de "irracional" a política de persoal que está a desenvolver o concello, argumentando que o goberno non ten criterio á hora de aproveitar "os recursos humanos e os fondos públicos dos que ata agora dispoñía o concello".

O BNG denuncia que "8 traballadores e técnicos cualificados" de dentro do concello, foron subtituídos por traballadores alleos, multiplicando por 15 o gasto das arcar municipais.

Denuncia problemas cun mestre e cun xornalista, ademais de sinalar que "hai poucas semanas os máximos responsábeis políticos do Concello de Carnota despediron improcedentemente á limpadora do centro de saúde do Pindo", e "á responsábel de actividades culturais e da OMIC", "ás que terán que indemnizar por sentencia xudicial (recurrida) con 30.000 euros, ou ben readmitilas nos seus postos".

Soldos e sobresoldos

Fixera o pasado ano o BNG de Carnota un estudio no que denunciaba que o concello era un dos que máis gasta en soldos. Vai máis adiante o BNG e fala do "paquete de bonificacións salariais" supostamente establecido polo goberno. Pon números, que podedes ver no seu blog, con cifras e nomes, denunciando o favoritismo por amizade do concello á hora de estableces as contratacións e dos incentivos.

Novas relacionadas

• "Nunca máis a dúas velas".
• A bitácora da semana (XLVI): O blog do BNG de Carnota.
• O BNG de Carnota acusa ao concello de despedir xente da casa para contratar outra de fóra.
• O BNG de Carnota dá un repaso ao goberno municipal.
• Carnota convírtese no concello que máis gasta da bisbarra nos soldos dos políticos.

Fonte

• Blog do BNG de Carnota: O goberno de Carnota responde á crise dilapidando personal e recursos.