Día da Árbore e do Teatro en Laxe Este venres 27 de marzo, o Día da Árbore mestúrase co do Teatro. Ás 10:30 da mañá, haberá unha representación no C.P.I. Cabo da Area de Laxe, á que asistirán todos os escolares de Educación Infantil e Primaria do Concello. A representación será "Historia dunha semente", a cargo de Caramuxo Teatro. Despois da obra, farase o tradicional reparto de pan e chocolate, mentres que o alumnado do último tramo de primaria realizará un Obradoiro de temática Ambiental, os cespíns. Por último, a mañán acabará coa prantación de árbores nos diferentes Centros Educativos: C.P.I. Cabo de Area, E.U. de A Torre e E.U. de Traba. Teatro en Cee
O sábado 28 ás 20.15 horas no Máis tr, a compañía San&San trae “AS DESVENTURAS DE CARMEN, GELINES E D. JOSÉ”, as míticas vellas que pasan de cotío pola TVG. As desventuras de Carme, Gelines e Don José" é un espectáculo cómico sobre o particular xeito de ver o mundo, a vida e a morte de dúas vellas inseparables que conviven no noso querido e escuro rural galego, en consonancia co seu benquerido e pobre párroco D. José, que terá que sufrir mil e unha veces as falcatruadas das súas "insoportables" freguesas. Aproveitando o enorme éxito acadado por estes tres personaxes no programa Luar da TVG, San&saN atrévese a levar a escena os seus mellores momentos, en vivo e en directo, e sen censuras; humor ao bravo non apto para menores de 85 anos. Teatro en Vimianzo Este domingo 29 de marzo de 2009, ás 20:00, o Auditorio da Casa da Cultura de Vimianzo acollerá a obra Náufragos, do Teatro Galileo. Festa Solidaria en Ponteceso A Asociación de Empresarios de Ponteceso, seguindo coa campaña de relanzamento da feira da Trabe, organiza unha "Feira Solidaria". Será o o vindeiro sábado día 28 de marzo, de 9.00 horas a 15:00 da tarde. Cine Olga de Corme Para pechar o ciclo didecado aos tempos do mítico Cine Olga cormelán, o venres 27 de marzo teremos "Cara cortada" (1932), de Howard Hawks, con Paul Muni e Ann Dvorak. Será ás 22:00 no local da Asociación de Veciños Eduardo Pondal de Corme. Cine de Igualdade en Corcubión
A través da Concellería de Servizos Sociais, Corcubión poderá ver un novo filme, no que a protagonista principias é unha muller. Así, este sábado día 28, ás 21:00 na Casa da Cultura, A Cor Púrpura, filme de Steven Spielberg, baseado nunha novela de Alice Walter, con Whoopi Goldberg e Danny Glover. Tren Turístico de Cabana Esta fin de semana hai dúas novas saídas do Tren turístico polas parroquias cabanesas, dentro do programa Naturalmente Cabana.. O sábado 28, o tren partirá de Cesullas, saíndo do local social de Fontenla. E para o domingo a parroquia elixida é Borneiro. A Costa apaga a luz Unha iniciativa verdadeiramente simbólica está a promover WWF-Adena. Unha hora de apagón total. Unha hora na que a electricidade non suba números contador, unha hora na que a humanidade proteste polo exceso de consumo que temos na sociedade actual. A iniciativa "Apaga a luz por unha hora" será este sábado 28 de marzo, aproveitando unha cumbre internacional para acordar un novo Convenio sobre o Cambio Climático. Adena propón que ás 20:30 todos apaguemos a luz, e que fiquemos unha hora sen consumir electricidade. Fonte - Redacción de QPC (
Este enderezo de correo-e está protexido contra spam bots, necesitas ter o Javascript activado para podelo ver
).
|
Semente RSS