|
O pasado venres, o pleno do Concello de Vimianzo foi máis caldeado do normal. Quedaron nun segundo plano os dous puntos da orde do día, que foron aprazados, e as palabras soaron unhas máis altas cas outras. Os sucesos explican a parálise e deixan en entredito a correspondecia cos derroteiros democráticos habituais Foi Nieves Lema, nun novo sitio da mesa de plenos, a que puxo a man enriba da mesa. Nieves non fora avisada a unha comisión informativa de Benestar Social e Promoción da Igualdade, e que malia ser apartada das súas competencias (membro da Xunta de goberno Local, Teniente alcalde, e concelleira de Cultura, Deporte, Igualdade e Benestar Social) polo alcalde, segue formando parte da devandita comisión, como sinalou o propio secretario, ademais de seguir sendo concelleira socialista da corporación de pleno dereito. Carme Borbujo propuxo deixar os puntos para vindeiras ocasións e así foi aprobado. 
Sen soldo O pleno non remataba aí. Na tanda de control, na dación de contas e resolucións, o alcalde daba lectura dun escrito no que a cesaba das competencias que el mesmo lle outurgara (membro da Xunta de goberno Local, Teniente alcalde, e concelleira de Cultura, Deporte, Igualdade e Benestar Social). Ata aí ten competencia o alcalde. Pero o que non podería ter feito é dar conta da supresión do soldo de Nieves, sen previo paso e aprobación polo pleno. O alcalde lía un aescrito remitido a Nieves con data de 9 de marzo, no que informaba de que "a partir da notificación, Nieves Lema deixará de percibir as retribucións que o pleno do concello outorgoulle", saltándose así un acordo plenario". "O alcalde sátouse os acordo plenario, sáltase os derroteiros democráticos", sinalou Nieves. Para ela, iso significa un "exceso nas súas funcións" como alcalde, e ironizou coa "transparencia" da que fai gala o alcalde. Este proceso, para o voceiro do BNG, Manuel Antelo, "é unha cuestión de prevaricación". Para o alcalde o asunto está moi claro: "Se non traballa, non vai cobrar", sentenciou antes de avisar cun "xa cho quitaremos noutro pleno extraordinario". Nieves, solicitou un escrito, "un informe xurtídico no que conste o procedemento para modificar o acordo plenario de 30 de xuño de 2007, a efectos de alteracións no réxime retributivo dos concelleiros". Isto é, quere elementos legais para poder demostrar que o procedemento do alcalde ao quitarlle as retribucións é ilegal. Os apoios dentro do concello chegan para ambos lados. Se moitos son os veciños que mostran o seu afecto a Nieves Lema, tamén son moitos os que pensan mesmo e crear unha plataforma de apoio ao alcalde. Novas relacionadas Fonte
|
Semente RSS