Unha semana despois de que a Fiscalía exculpase aos dirixentes de Augas de Galicia pola desfeita ecolóxica do encoro da Fervenza, ollamos con preocupación o estado do encoroVolve estar o encoro da Fervenza en perigo de sequía, e estamos no mes de abril. Se aínda estamos en plena primaveira, quen verá o encoro no verán. Pero o estado do encoro, rondando o 30% de ocupación, chama a atención. A viaxe cara Santiago serve de pedra de toque para ver o estado do encoro, e pasar nun mes de ver un encoro case cheo dende a estrada, á ver a estampa actual, algo terá pasado.

Se ben é certo que apenas ten chovido no último mes, é singular a brusca baixada de nivel que sufriu o encoro nos meses de febreiro e marzo. Ata un 60% de diminución de ocupación, caendo un 30% cada mes.

Iso si, o encoro de Santa Uxía do Ézaro, o que se utiliza para a produción hidroeléctrica alén do suministro de auga de consumo, non baixou en ningún momento do 88%. Curiosa foi a situación do día 16 de febreiro, no que as choivas provocaron que o nivel do encoro da Fervenza superara o de augas abaixo. Feito rapidamente remediado pola empresa concesionaria da explotación do río Xallas, e nunha semana (do 16-02-09 ao 23-02-09) empregou auga como para reducir o nivel nun 17%. Uns 17 Hm3 de auga.

Todo isto sucede con 3 dos 5 fornos das fábricas de Ferroatlántica parados, polo que a meirande parte da enerxía producida é vendida directamente á rede eléctrica nacional. Por algo a CIG quere unificar definitivamente a concesión hidroeléctrica á produción industrial de ferroaleacións.

Hoxe mesmo remata o convenio entre Comité e dirección realizado o pasado mes de febreiro, no que se tomaron certas medidas para evitar o ERE.

Estas son as porcentaxes de ocupación dos dous encoros dende o 2 de febreiro ata o 30 de abril de 2009:

Novas relacionadas

• A CIG pide que as fábricas de Ferroatlántica queden vencelladas á concesión hidroeléctrica.
• Ferroatlántica, única culpable da desfeita ecolóxica da Fervenza para a Fiscalía.
• Un encoro sen auga e un río sen troitas.
• Salmo co Xallas un ano despois da desfeita ecolóxica do encoro da Fervenza.
• Villar Mir recurrirá a multa da Xunta.
• A desfeita ecolóxica da Fervenza xa ten prezo.
• O director de Augas de Galicia di no Xulgado que actuou tan rápido como puido no caso da Fervenza.
• 20-11-07: Non son poucas as voces que piden a retirada da concesión dos encoros a Ferroatlántica.
• 19-11-07: A Xunta alega que nada puido facer para salvar aos peixes pero que sancionará a Ferroatlántica.
• 13-11-07: Medio Ambiente descarta a sequía e culpa a Ferroatlántica da morte de milleiros de peixes.
• 12-11-09: Ferroatlántica está a ser investigada pola desfeita ecolóxica.
• Editorial: A desfeita ecolóxica reparte responsabilidades.
• Denuncia cunha foto: A morte da fervenza.
• A Sequía no embalse da Fervenza nun vídeo de Francisco Santiago López.

Fonte

• Redacción de QPC ( Este enderezo de correo-e está protexido contra spam bots, necesitas ter o Javascript activado para podelo ver ).
• Boletíns hidrolóxicos de Augas de Galicia.