Onte, luns 10 de setembro, Muxía disfrutou da última xornada da Romaría da Virxe da Barca, o que como tódolos anos supón practicamente o peche da tempada de festas veraniega.

A fin de semana foi tremenda e a asistencia de xente parece que aumenta cada ano, aínda que pareza imposible. As colas chegaban durante todo o sábado case a Os Muíños. A vila estaba totalmente ateigada de xente, cun ambiente festivo que non parou nin de día nin de noite.

Onte cara o mediodía aínda quedaba tres das tendas de campaña que encheron durante a fin de semana a zona de acampada, que quedaba nun estado lamentable, con moreas de lixo que os campistas non se dignaron a recoller. I é que a festa foi dura.

Onte, luns, os eventos comezaban pola mañá, con pasarrúas para logo facer a procesión ao Santuario e realizar a Misa Solemne (a imaxe do Santuario é precisamente cando a misa se está a realizar, había tanta xente que moita tivo que quedar fora). Logo a Banda de Gaitas de Ares e a charanga Vaite Xa divertiron aos asistentes ao igual que os cabezudos e xigantes que se pasearon polas rúas muxiáns.

Xa pola noite a música a puxeron as orquestras Panorama e Jerusalén. Xa non quedaba tanta xente coma nos días anteriores, pero desta volta púidose disfrutar dunha romaría moito máis enxebre e familiar sen tanta xente vida de fora.

E coma tódolos anos, a Romería da Virxe da Barca serve para dar por concluída outra tempada veraniega na que as festas invaden ano tras ano as vilas de toda a bisbarra. Ata o ano que ven!

Fonte

• Redacción de Que pasa na Costa