Continúa crecendo e artellando novas iniciativas a Confraría de Pescadores do Pindo. Hoxe presenta o novedoso proxecto "Pindo Mariño". Logo de moitos meses de arduo traballo, o proxecto xa está en marcha. O proxecto pretende recuperar e divulgar a tradición e cultura mariñeira, devolvendo a dignidade á profesión de mariñeiro. O proxecto inclúe diversas actividades, dende roteiros a pé e marítimos, pasando por obradoiros temáticos.

Moi importantes son estas labouras de recoñecimento e dignificación da profesión de mariñeiro, nestes tempos nos que a mocidade non ven na mar unha boa saída. Aí están as confraría de Fisterra, de Laxe, de Lira recibindo axudas para promover a dignificación dunha profesión vital para entender a indiosincrasia galega.

Este proxecto comenzará a funcionar en breve e será un gran impulso turístico non só para a Confraría de pescadores senón para todo o Concello de Carnota, e dará a coñecer os recursos cos que contamos mostrando, á sociedade en xeral, o mundo do mar e o que se desenvolve en torno a él dun xeito diferente.

Obxectivos do Pindo Mariño

A Confraría márcase uns obxectivos principais claro, dos que se pode destacar:

• A transmisión dos saberes tradicionais do mundo mariñeiro á sociedade, especialmente ás novas xeracións.
• Promoción da pesca responsable.
• A rehabilitación de antigos espazos e instalacións adicadas á pesca e á transformación dos productos do mar.
• A recuperación dos sistemas tradicionais de conservación de productos do mar propios da zona, tales como salazón ou curado.
• A posta en marcha de roteiros interpretativos por terra, a fin de coñecer o patrimonio natural e marítimo da nosa comunidade.
• Promoción do senderismo tradicional.

Actividades

O programa que se pretende poñer en marcha con esta iniciativa consta dun conxunto de actividades que se implantarán ó longo de varias fases. Estas actividades son as que se enumeran a continuación:

• 1. Deseño e implantación de diferentes roteiros a pé.
• 2. Obradoiros temáticos, como son: o de nós mariñeiros, de pesca responsable, de elaboración de sardiñas curadas ou de consumo de peixe e mariscos.
• 3. Plan de recuperación do proceso de elaboración de sardiñas curadas.

Roteiros

Os roteiros interpretativos que se van realizar dende a Confraría de Pescadores serán os seguintes:

• Roteiro de Caldebarcos: O seu obxectivo é dar a coñecer o entorno natural e socioeconómico da Praia de Caldebarcos e da Berberecheira. Nel poderemos ver o sistema dunar da praia de Caldebarcos, a súa flora e a fauna características; o antigo almacén de salazón e as casetas de pescadores rehabilitadas; así como a actividade marisqueira na Berberecheira, característica do marisqueo da zona, especies, sistemas de recolección e artes de marisqueo.
• Roterio do Fornelo: O entorno paisaxístico deste roteiro é pouco coñecido, incluso para grande parte da poboación local. Nel visitaremos a Praia do Fornelo, o antigo peirao, as furnas, a antiga fábrica de salazón, veremos as marcas de enfilación e as marismas de San Pedro, así como tamén contaremos antigas historias de marinos e naufraxios.
• Roteiro do Porto de Quilmas: A súa finalidade é coñecer o entorno natural e socioeconómico do Porto de Quilmas, así como as diferentes actividades de pesca e transformación de productos do mar ligadas a este porto. Dentro do contido deste roteiro, cabe destacar o porto e o peirao naturais, as antigas instalacións ligadas á actividade pesqueira e marisqueira, as casetas de pescadores, a antiga fábrica de salazón, a boleira e a praia de Corna Becerra, e os secadoiros de argazo.

Inscricións

Para axudar a desenvolver estas actividades de turismo mariñeiro a confraría oferta unha praza, a media xornada. As persoas interesadas deberán coñecer o sector pesqueiro e marisqueiro e o funcionamento dunha confraría a nivel básico. Así mesmo deberán posuír estudios medios/altos e ter carné de conducir con vehículo propio, a poder ser. Tamén se terá en conta: coñecementos de inglés, coñecemento de informática e novas tecnologías, e experencia en traballos similares.

As persoas interesadas poden presentar o CV no Pindo s/n 15296- Carnota, na sede da confraría, no teléfono/fax 981 76 48 15 ou no e-mail: Este enderezo de correo-e está protexido contra spam bots, necesitas ter o Javascript activado para podelo ver A data límite de recepción é ata o 20 de abril de 2009.

Novas relacionadas

• A Asoar-Armega repasa a caída do sector pesqueiro de artes menores.
• Polo abaratamento dos gastos do sector do mar en seguridade.
• 90.000 euros para pescar ao solpor na fin do mundo.
• Mardelaxe segue crecendo a paso de subvención.
• Laxe acolle a presentación dun documental con 50 anos de historia.
• Novas subvencións para Mardelira.
• Salario fixo para os mariñeiros?.
• O catamarán "Cala Gran" dorme no Pindo.
• Unha nova historia no youtube de Pinto e Coviñas; capítulo 7 de "Para mariñeiros nós": Facenda somos case todos.

Fonte

• Nota de prensa da Confraría do Pindo.