|
A Semana Santa de Cabana chega marcada por dúas cousas. A primeira, os obradoiros de cestería. É sen dúbuda o concello cabanés o que máis está a traballar por recuperar unha tradición centenaria como é a cestería e os obradoiros de cestería, ademais de realizarse ao longo do ano para a poboación, tamén se fan nas datas sinaladas para chegar a máis e máis xente. Así, esta longa ponte, dende onte e ata o sábado 11 de abril hai obradoiros de 16:00 a 20:00. Tamñen estará aberta a exposición das obras realizadas ao longo do ano nas aulas de cestería. Por outro lado está aberto o punto de información turística e se proxectará o DVD Naturalmente Cabana que realizou Omar Rabuñal. Visita francesa Esta fin de semana a comunidade cabanesa recibe unha visita moi especial. Continúa achegando mundos o irmandamento entre o concello de Cabana de Bergantiños e o concello francés de Treize-Septiers. Chegan o venres 10 de abril e logo dun recibimento diante do Concello da delegación polos membros do Comité de Irmanamento (izado de bandeiras, pandeiretas) arredor das 13:00 procederase ao reparto de regalos e á presentación das familias que os acollerán. Pola tarde visita a Corme, á Virxe do Faro, ao Roncudo e á confraría de pescadores para ver un vídeo dos percebeiros. Para o sábado os rapaces visitarán a Mostra do Encaixe de Camariñas e baixarán por Muxía ata o Faro Fisterra. É o domingo cando terá ligar a cerimonia oficial do Irmanamento, cun Concerto banda música “ Eduardo Pondal”. E agradndo un ano máis para que volvan outros rapaces a coñecer a Costa da Morte. A imaxe é do ano pasado. 
Novas relacionadas Outras citas para a Semana Santa Fonte
|
Semente RSS