Segue sendo o Dolmen de Dombate o monumento arqueolóxico máis visitado da Costa da Morte. Así, a representativa anta recibiu durante as pasadas vacacións de Semana Santa máis dun milleiro de visitantes. En total, foron 1.037 as persoas que visitaron o monumento megalítico de Cabana de Bergantiños entre o domingo 5 de abril e o domingo día 12.

Procedencias

Serven os estudios da Deputación para facer unha penquena análise sobre os visitantes da Costa da Morte ao longo desta Semana Santa. Probablemente a falta dun tempo máis agradecido provocou que a meirande parte dos visitantes, chegaran dende dentro do país, e mesmo de dentro da bisbarra. Así, algo máis dun 30% (376) proviñan de fóra de Galicia. Os restantes 661 visitantes foron galegos, sendo unha elevada porcentaxe deles provenientes da propia comarca.

Segundo as estatísticas da empresa encargada das visitas organizadas ao dolmen, entre os visitantes do resto de España destacan sobre todo os turistas vascos e madrileños, mentres que se rexistraron poucas visitas de estranxeiros e a maioría deles foron visitas en grupo provenientes de Francia.

Novas relacionadas

• 188 xacementos no Atlas arqueolóxico da comarca de Fisterra.
• E Cristo resucitou en Fisterra.
• O Encaixe segue de moda .
• Do cumio de San Bartolo aos Batáns do Mosquetín.
• A Raigañas prepara a IV Foliada de Cerqueda.
• 14 megalitos da Costa da Morte serán denominados Bens de Interese Cultural.
• Don Dombate quere mar.
• Dombate xa ten proxecto, e galego.
• Excursión pola Ruta das Antas.

Fonte

• Nota de prensa do Gabinete de Prensa da Deputación da Coruña.